هند فعلا قفلت الباب بالمفتاح بالراحه .. وشوية وأهل جوزها جم .. فضلوا يتكلموا ويضحكوا وياكلوا ..
أما سميرة كانت سامعه ص ضحكهم وبتبتسم من قلبها وبتدعي لبنتها بالسعاده
بس فجأة حست انها عايزة تخش ..
سميره / يا دي الحوسه طب اعمل ايه انا ..
هحاول اخرج من غير ما احد منهم يشوفني وكده كده جنبي على طول ..
سميرة جت تفتح الباب لقيته مقفول .. ف قالت تستني شوية أما بنتها تدخلها الاكل تبقي تروح ..
فات ساعه وسميرة مستنيه .. مكنتش قادرة تمسك نفسها .. قامت و حاولت تاني ..
سميرة / هند .. هند يا بنتي افتحيلي .. مش قادرة استني اكتر من كده .. يارب .. هند ..
فضلت تخبط علي الباب نادي يمكن حد يسمعها بس هما كان صهم عالي ف مكنوش سمعينها ..
و فجأة حست انها مش قادرة تمسك نفسها اكتر و اتبهدلت .. قعدت علي الارض وفضلت ..
سميرة بعياط / اعمل ايه يا ربي .. السجادة اتبهدلت وهند هتزعل .. هي قفلت الباب ليه بس ..
طيب اطلع هدومي واحاول اغير .. بس ممكن اعمل ص و يعرفوا اني هنا .. بس لا مش هعمل ص ..
سميرة قامت تشوف فين وغيرت فعلا .. شوية و الناس مشيوا وهند راحت فتحت الأوضه واول ما دخلت ..
هند / ايه ده .. ايه الريحه اله دي .. انتي عملتي ايه هنا ..
.
سميره بصتلها بوع / يا بنتي كنت عايزه اخش قعدت احاول افتح الباب لقيتك قفلاه والله مقدرتش امسك نفسي ..
هند / يعني ايه مقدرتيش تمسكي نفسك وانتي صغيره نونه عشان تعملي كده في الارض .. ايه الارف ده ..
سميرة/ سامحيني يا بنتي أنا اسفه ..
وهند / اعمل بيها ايه اسفه دي … طب عقابا ليكي انتي اللي هتقومي تغسلي السجاده دي ودلوقت …
سميره / حاضر يا بنتي هغسلهالك عيني بس خليها الصبح ده الجو دلوقت برد اوي ..
هند / لا هتعمليها دلوقتي مليش فيه .. قومي يلا …
هند خلت سميره فعلا تغسل السجادة .. كانت بتعملها وهي بتتالم بسبب رجلها ..
وحاسه انها دايخه من قلة الاكل ونفسها بيضيق .. لكن جت علي نفسها و خلصتها ..
هند / حتي بعد ما عملتيها منضفتش اوي .. انا هبقي اعملها قومي يلا ملكيش لازمه اصلا ..
سميرة قامت وهي اوي ومش قادرة تقف ..
سميرة / طيب انا جعانه اوي .. ممكن تديني اكل يا هند ..
هند / اوووف طيب حاضر .. ادخلي الاوضه وانا جايه ..
سميرة دخلت الاوضه وهي فرحانه انها هتاكل .. شوية وهند دخلت عليها ب طبق جبنه وبيضة ..
هند/ اتفضلي كلي يلا ..
سميرة/ ما انتي عارفه يا بنتي اني عندي حساسية من البيض .. لو كلته اتعب ..
هند / وانا مالي .. هو ده اللي عندي .. الاكل اللي فاضل من العزومه يدوب علي قدي انا وجوزي وعيالي ..
سميرة ابتسمت / وماله يا بنتي بالهنا والشفا علي قلبكوا .. انا هاكل الجبنه ..
فات كذا يوم وهند بتعامل امها بطريقه صعبه اوي ..