مش بتديها اكل غير مرة واحده ف اليوم وبتكلمها و منعاها تقرب من عيالها ..
لحد ما ف يوم سميرة صحيت من وخرجت من اوضتها مستغربة ومش عارفه هي فين ..
لقيت هند وقفه ف المطبخ بتعمل الاكل ..
سميرة جريت عليها ومسكتها جامد / انا فين .. انتي فين .. انتوا توني صح ..
هند باستغراب/ مالك ف اي .. انتي بتحلمي ولا ايه .. روحي اغسلي وشك هتفوقي ..
سميرة / انتي مين بقولك .. انا فين ..
هند / لا ده منال كان عندها حق أما قالت انك اتجننتي .. ابعدي عني بقي ..
سميرة بعدت عنها وقالت / ااااه اغي مش قادرة ..
سميرة وقعت علي الارض .. وهند فضلت تنادي علي جوزها ..
احمد جه علي ص ها / في ايه يا هند مالها ..
هند بعياط / مش عارفه فجأة لقيتها اتجننت وبتقولي انتي مين ..
احمد شالها ودخلها اوضتها وقفلوا عليها .. شوية وفاقت وقامت ..
سميرة فتحت الباب وخرجت لقيت هند قاعده / مالك يا حبيبتي ي ليه ؟
هند بعدت عنها ف احمد قال ب / يعني مش عارفه عملتي ايه .. انا مش فاهم انتي ازاي كده ..
سميرة/ والله يا ولاد انا مش فاكرة حاجة هو حصل ايه بس ..
هند / ولا حاجة خشي اوضتك بقي …
سميرة دخلت اوضتها و فضلت .. شوية وقامت اتوضت وصلت وفضلت قاعده ف اوضتها بتسبح
و بتبص لقيت فريدة حفيدتها واقفه علي الباب وبتبصلها ..
سميرة ابتسمت/ تعالي يا حبيبتي .. تعالي اقعدي جنبي .. عاملة ايه يا فريده …
فريدة / الحمد لله يا تيتا .. حضرتك ليه مش بتيجي تقعدي معانا …
سميره / علشان معطلكوش على المذاكرة يا حبيبتي
وبعدين انا هنا مبسوطه قوليلي انت عامله ايه في المذاكره ..
فريدة ابتسمت/ انا بقيت شاطرة اوي و حفظت جدول ال كله وبقي عندي صحاب كمان ..
سميرة ابتسمت ها / برافو عليكي يا حبيبتي …
أنا عيزاكي تكبري كده و تبقي شاطرة و ناجحه زيي ..
حكم انا بدأت من الصفر لحد ما عملت محلات و عماير ..
هند دخلت الاوضه واول ما شافتهم بصت لسميره بحده وقالت … فريده اطلعي بره ..
فريده/ ليه يا مامي انا عايزه اقعد مع تيتا شويه ..
هند / بقولك اطلعي بره ..
فريده طلعت بره وهند بصت لامها / انا مش قولتلك قبل كده ملكيش دعوه ببنتي .. انت ايه ه مبتفهميش ..
سميره / يا بنتي انا مش قصدي حاجه انا لقيتها واقفه على باب الاوضه فقلتها تيجي تقعد معايا شويه بدل ما انا قاعده لوحدي طول النهار ..
هند / انا زهقت منك بقي .. بصي انا هتصرف بس خليكي عارفه انك مش هتقعدي هنا تاني ..
سميرة قامت وقالت / لا يا حبيبتي انا اسفه خلاص .. مش هضايقك تاني بس متخلنيش امشي من هنا ..
هند / يا شيخه اوعي بقي .. جتك الارف أنا تعبت منك .. بس انا عارفه كويس اوي هعمل معاكي ايه ..
هند زقتها وخرجت برا الاوضه وقفلت الباب …
هند مسكت التليفون وكلمت منال / منال انا زهقت من الست دي ..
اسمعي انا معنديش استعداد ات كل ده .. واعتقد لا انتي ولا نيفين كمان هتشيلوا ..
منال/ اشيل ايه انا مصدقت خلصت منها ومش هقدر اخدها عندي تاني ..
هند / ….
#يتبع ..
#آلاء_محمد ..
#بنات_القسوة ..
رواية ” بنات القسوة ” الجزء الخامس