اللي في بطنك ده لازم ينزل وإلا هتتعبي طول حياتك إنتي وجوزك
وقفت مصدوم وباصص لمراتي وهي دموعها في عنيها وكلام كتير عاوزة تقوله والدكتور اللي رشق حروف زي السهم المسموم في قلوبنا
أنا متجوز بقالي أربع سنين وربنا مأرادش إننا نخلف وبرغم كده مراتي صبرت معايا ورفضت تطلق مني وأهلها ساعدوني ووقفوا جنبي وأخدنا علاج كتير أوي لحد ما في يوم كنت مخنوق وتعبان وروحت أصلي الفجر لأول مرة في المسجد والشيخ عمران شافني مخنوق فقعد جنبي وقالي احكيلي مالك؟
حكيتله كل حاجة وبعد ما خلصت قالي يابني الخلفة دي رزق ورزقك هيجيلك في معاده من غير مجهود الدكتور والعلاج دي كلها أسباب بس اقولك حاجة؟
قولتله قول طبعاً.
قالي عليك وعلى قيام الليل أفضل صلي وأدعي وإبكي لربنا وقوله يارب نفسي في عيل، يارب انت رحيم، ربنا جميل بيحب العبد اللحوح، أعمل زي ما بقولك وصدقني هتشوف نتيجة صلاتك ودعائك.
فعلاً سمعت كلامه وبعد 3 شهور مراتي قالتلي إنها حامل في شهرين والبيت كله فجأة بقى مليان بهجة وسعادة والناس فرحتلنا جداً وكنت باخد بالي من مراتي مبخليهاش تعمل أي حاجة ووالدتي ووالدتها هما اللي بيعملو لها كل حاجة وفي الشهر السادس قولنا نروح نشوف الطفل كان نفسي جدًا اشوفه وأفرح بيه زي أي أب في الدنيا
بس الصدمة كانت كبيرة اوي علينا لما روحنا للدكتور وكشف عليها وقالها
يتبببببببببببببببع