” شيل اللي على المكتب ده بسرعة “
ببص لاقيت مكتبي مش مترتب، والكل بيجري وبينضف مكتبه وبينظم المكان!
طلعت وقفت قدام المكتب وقولت للممرضة:
” هو في إيه؟ “
ردت بسرعة وقالت: ” في شخصية إقتصادية مهمة وغني كبير ملياردير داخل بأسهم المستشفى، ولازم كلنا نستعد عشان نستقبله ونرتب إجرائات دخوله..
ببص لاقيته راكب عربية فيراري، نازل منها السوَّاق اللي لبسه تقريبًا أغلى من مرتبي الشهري، دخلت بسرعة وأنا بلعن في كل الظروف، وافتكرت عربيتي القديمة، ومصاريف بيتي اللي مبتخلصش وبقيت أقول لنفسي:
” هو ليه مكونش زي الناس دي؟ “
سبقتهم وطلعت على مكتبي بنفور وغضب.
شوية ولاقيت السواق جايبه على كرسي مُتحرك!
ببص لاقيت رجله اليمين مبتورة من الفخد من فوق، قلبي اتخلع من مكانه، بلعت ريقي وقرَّبت منه وسألته:
” جيت ليه وأنت تعبان؟ “
فابتسم بحزن وقال: ” عندي موعد تنويم “
اتخضيت وقولتله: ” ليه؟ “
كتم صوته من العياط وقال: ” عشان هعمل بتر في رجلي التانية “
يتبببببببببببببببع