محمد: ماما أنا قررت ارجع زينة
زينب: يا ألف نهار ابيض أيوة كده شوف وشك نور ازاي انزلها يلا بسرعه ومتسيبهاش الا لما ترجع معاك وبينوا محمد وبيروح لزينة
محمد: ازيك يا ماما صابرين عاملة ايه
صابرين: لا متكلمنيش تاني ابدا أنا زعلانه منك
محمد: يا خبر مقدرش والله على زعلك وبيبوس راسها وبيقولها: أنا ربنا وحده اللي يعلم أنا كنت عامل ازاي والله العظيم
صابرين: بس ده موضوع وفات
محمد: هي حكتلك؟
صابرين: أيوة حكتلي حصل ايه يعني كانت بتحبه بينها وبين نفسها وخلاص كانت عيلة ودلوقتي خلاص كان لزمته ايه بقا ده كله
محمد: طيب معلش حقك عليا ممكن تناديهالي
صابرين: طيب وبتروح تنادي زينة وبعد شوية بتخرج زينة
زينة: نعم جاي تديني ورقتي بنفسك!
محمد: لا جاي ارجعك ليا تاني
زينة بقوة: بس أنا مش موافقة
محمد: أنا عارف اني غلطت وإني تصرفي لا يمت للعقل بصلة بس والله كان غصب عني الغيرة عمتني متزعليش مني
زينة: لا يا محمد مش هرجع انت ولا عملت إعتبار انك سايبني في حتة لوحدي ولا انك حكمت علي ماضي من قبل م اعرفك أصلا انت ليك الحق بس من يوم م بقيت مراتك لكن انت كنت قاسي في حكمك اوى وحتي معملتش اعتبار لكل الكلام إللي هيتقال عليا لا يا محمد طلبك مرفوض وياريت تنفذ كلامك وتبعتلي ورقتي وبتدخل زينة الاوضة وبيمشي محمد وبتتوالي الايام ومحمد كل يوم يبعتلها رسايل اعتذار وورد مرة وحاجة بتحبها مرة لحد م في يوم..
محمد: يا زينة كفاية بُعد بقاا أنا تعبت أنا بقالي اكتر من شهرين بحاول أنا عايز اردك قبل م العدة تخلص وأنا تعبت بصراحة كفاية بقا وإلا والله
زينة: وإلا ايه ؟ هتبعد تاني انت بتهددني يعني!
محمد: وإلا والله هفضل لازق ليكي هنا وهفضل وراكي لحد م ترضي عني وترجعيلي وبيبوس راسها حقك قلبي يا زينة العين والقلب متزعليش مني أنا كنت غبي في حكمي وتصرفاتي انا آسف.. هاا هترجعيلي؟
زينة بدلع : هفكر ..
محمد: لا افكر إيه يلا يا عسل سلام يا حماتي.
تمت