رواية اغفر لي (كاملة حتي الفصل الاخير) بقلم ايمي

زينة : إن أنا وحمزة كنا بنحب بعض..

صابرين: ليه كده يا زينة ليه يا بنتي مش الموضوع ده كان خلص وقفلناه انتي كان عندك ساعتها ١٦ سنة وكنا لسة في بيتنا القديم قبل م ننقل هنا يعني الموضوع كان مات ليه فتحتيه تاني وقولتيله وبعدين هو أنتي يعني عملتي ايه أنتي حبتيه بينك وبين نفسك معملتيش حاجه غلط والحب والكره مش بـ إدينا..

زينة وهي بتقول لنفسها ياريتها جت على إني احبه بيني وبين نفسي كان اهون عليا انتوا متعرفوش حاجه..

زينة: ماما معلش أنا تعبانة محتاجه انام..

صابرين: ادخلي يا حبيبتي نامي شوية عقبال م ابوكي ييجي واقوله عشان نشوف حل للموضوع ده يشوف إذا كان يروحله ولا هيعمل ايه .

زينة: لا يا ماما محدش يروح في حته لو سمحتوا مش عايزة حد يروح ليهم وبتعيط وبتقولها أنا قلبي واجعني يا ماما محدش يضغط عليا عشان خاطري وبتحضنها صابرين وبتطبطب عليها وبتقولها: طيب يا حبيبتي ادخلي ارتاحي شوية بتدخل زينة اوضتها وبتنام على السرير وهي بتفتكر..

كانوا نازلين من الفندق هي ومحمد وبيتكلموا ومحمد بيقولها: متعرفيش انا مبسوط ازاي يا زينة بجد فرحان أوي أنا بحبك اوي

زينة بكسوف: وأنا كمان

محمد: لا دي متنفعش كملي الجملة

زينة بضحك: احم.. بحبك

محمد بضحك : ياه ابو الهول نطق أخيرا ، بتخبطه زينة وهي بتبصله بذهول في دراعه وبتقوله أنا أبو الهول يا محمااا

محمد: والله أنا بحب أسمي اكتر لما بتقوليلي محماا دي

زينة: توه توه بس اصبر عليا لينا اوضة تلمنا وبيضحكوا وهما ماشيين بييجي شاب عليهم..

حمزة بمكر: زينة ازيك عاش من شافك..

زينة بتوتر وخوف : آه اهلا يا حمزة اخبارك

حمزة : أنا كويس بس أنتي وحشتيني قصدي وحشتينا كلنا يعني أنا وماما وهبة اختي

زينة: آه سلملي عليهم عليهم معلش نسيت اعرفك محمد جوزي معلش مضطرين نمشي..

حمزة: آه أهلا بجد انت واخد واحدة هي مش بس اسمها زينة هي كلها زينة..

محمد بغضب : إيه يا حبيبي بتقول حاجه وأنت مالك

حمزة بخبث: اهدي بس يا عم في ايه أنا بعرفك قيمة اللي معاك عشان تحافظ عليها وتاخد بالك منها كويس

محمد: عارفها كويس متشكرين لنصايحك خليك في حالك بقا عشان متزعلش وامشي عشان مقلش منك وبيمشي حمزة ومحمد بيبص لزينة بغضب وبيقولها: يلا هنرجع الاوضة ،

زينة: ليه مش كنا خارجين..!

يتبببببببببببببببببع