سكريبت كامل بقلم مؤمنه

شهر عسل يعني إيه أسماء مطلعتش تقيلة عليه ولا حاجة؟!… بس ويت كده أنا لسه هستنى شهر بحاله على ماهي ترجع.
صحيت من النوم على صوت نوتفكيشن محببة لقلبي وإيه دا أسماااء رجعت يا ولااااد بس إيه دا دول مكملوش أسبوعين
لبست بسرعة عشان أسافرلها وعرفت إنها رجعت عشان والد مصطفى تعبان جدًا وكان لازم يرجعوا.
وصلت ودخلت عندها لقيت البيت زحمة كتير منهم ناس جاية تزور والد مصطفى وكمان يباركوا لمصطفى لأنه سافر بعد الفرح على طول ومحدش لحق يباركله.

لقيت أسماء في المطبخ واقفة بتحضر عصير لمون بنعناع بكل حب وهي عرفت منين إني جاية.
واللهم بارك إيه دا كمان وشها منور وهي الناس بجد صحتها بتيجي على الجواز ولا إيه.؟!
“أنتِ عرفت منين إني جاية”.
-بسم الله الرحمن الرحيم خضتيني يا إيمان.
أنا بلؤم:
“سلامتك من الخضة يعيون إيمان” ..

بصيتلها ورجعت بصيت تاني للمون بالنعناع اللي واقفة بتعمله ها عرفت منين إني جاية؟!”.
لقيتها ضحكت ضحكة حلوة كده وإيه دا يا ولااااد الشمس رجعت تنور من تاني آهي.
-لأ يا ستي دا مش ليكِ بس هعملك واحد هو أنا عندي كام آمون يعني.
مريم دخلت سلمت عليا وبصوا بقا المفاجآة دي.
أسماء باهتمام ولهفة حلوة أووي:

-خدي يا مريم العصير دا إديه لمصطفى عشان هو كان تعبان طول الطريق وآدي الدوا بتاع عمي اديهوله وأنا هضايف إيمان وآجي.
مريم مشيت وأنا بصيتلها ورفعت حاجبي وغمزتلها.
“هي السنارة غمزت تاني ولا إيه؟!”.

يتبببببببببببببببببع