كنت معاها طول الوقت وآهي أسماء بقت عروسة كان نفسي أفرح زي بقية الناس اللي فرحانة بس إزاي وأنا شايفة أعز صديقة على قلبي حزن الدنيا كله في عيونها.
كتبوا الكتاب وعملوا زفة بسيطة ومصطفى آخد أسماء ورجعوا على بلدهم.
كنت بودعها وأنا حاسة إني بودع قطعة من روحي.. مصطفى بالنسبة لي شخص كويس بس لو أذى أسماء هكرهه كل الكره اللي في الدنيا.
معرفتش أنام طول الليل من كتر التفكير والقلق عليها ولقيت إن أفضل حاجة أقوم أعملها إن أصلي قيام وأدعيلها دعتلها كتير أووي ربنا يريح بالها ويراضيها الفجر آذن صليت وقرآت أذكاري ومش عارفة نمت إزاااي.
-هتروحي فين دلوقت يا إيمان؟! .
“هروح لأسماء يا أمي”.
-أسماء مين اللي تروحيلها دلوقت الساعة 8 الصبح.
“يماما على ما أوصل أنا هاخد تلت ساعات في الطريق.
-هتوصلي الساعة 11 في حد بيروح لعرسان يوم صباحيتهم الساعة 11 أنتِ انهبلتي.
“يماما عايزة أطمن عليها”.
-يا ستي اطمني عليها بس ابقي روحيلها على العصر مش دلوقتِ على الأقل لما توصلي المغرب يكون آذن وتكوني راحة بتصبحي عليهم بجد مش راحة تصحيهم.
“ياربي بقا لسه هستنى للعصر” .
مقدرتش أستنى أكتر من كده واتصلت عليها بس لقيت تليفونها مغلق.. بعتلها فيس بس بردو مش فاتحة.
استنيت العصر يآذن وقبل ما أمشي اتصلت عليها بردو مغلق اتصلت على مريم وقالتلي إن مصطفى آخد أسماء وراحوا شهر العسل امبارح بعد الفرح على طول.
يتبببببببببببببببببع