قام وخرج معايا وطلعنا في الصالة وسيبت باب الشقة مفتوح حتي لو هو أصغر مني بسنة بس في الأول والآخر هو راجل ودي تعتبر خلوة
“في إيه بقا مالك حالك مش عاجبني ودراستك سايبها ليه وإمتحاناتك اللي كمان شهر دي هتعمل فيها إيه؟!.
وبيأس لقيته بيرد عليا
_معدتش فارقة.
” هو ايه اللي معدتش فارقة”.
_معدش بيهمني حاجة.
بصيلته وصوتي على شوية.
” هو إيه اللي معدش بيهمك…دراستك معدتش بتهمك مستقبلك معدش بيهمك أخواتك البنات معدوش يهموك.. كل دا معدش بيهمك كل دا ليه ها؟”.
لقيته بصلي بعيون مليانه دموع وحقيقي أول مرة انحط في الموقف د راجل قدامي وبيعيط.
_عشان هي سابتني…سابتني لوحدي سابتني ورمت عليا حمل أنا مش قده سابتني زي ما بابا برده سابني هم ليه بيعملو فيا كده ها ليه ربنا بيعمل فيا كده…ليه بجد ربنا يعمل فيا كده ويظلمني ويحرمني من حضن أمي هو مش أخد مني بابا ليه بقا ياخد مني كمان أمي؟!.
ضربته بالكف ومش عارفة جبت الجرأة دي منين بس كان لازم يفوق ورديت بعصبيه:
“كفاية عند حدود ربنا وكفاية ربنا مبيظلمش حد ربنا عادل وقولتك قبل كدا مش كل حاجة مش علي هواك هي شر ليك.. آكيد دا خير احنا نجهل حكمته ومش عشان بتجهل حكمته تكفر بيه وبعدين انت ولا أول ولا أخر واحد في الدنيا يخسر أهله في غيرك كتير بس انت استسلمت للشيطان ولنفسك فين صلاتك وفين قرآنك معداش عليك أبدا {وَلَا يَظْلِمُ رَبُّكَ أَحَدًا}معدتش عليك آية
﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ﴾…
وبعدين لما أنت الراجل وتقول كده إخواتك البنات يعملوا ايه ها يموتوا نفسها علي كده فوق ي آدم فوق ولو مش علشانك فعلشان الأمانة اللي أمك سيبهالك عشان أخواتك.
يتببببببببببببببببع