مشكلة
يا ريت تقبل البوست يا ادمن ومن غير اسم بعد اذنك
السلام عليكم
انا حصل مشكلة كبيرة جدا بيني وبين خطيبتي ومحتاج اخد رأي حد فيها .. بالصدفه بنتكلم في مره وبتحكيلي عن بيت العيلة عندها وانه فيه مشاكل وكدا وانا ماتحبش ابدا تعيش في بيت عيلة وكدا ودايما بيحصل مشاكل، رديت عليها بمنتهي صفاء النية والله
وقولتلها عادي مش شرط كل الناس يحصل بينها مشاكل بالعكس فيه ناس بتعيش كأهل مرتاحة ومبسوطة وهما مع بعض، دا حتي انا واخواتي نحب في يوم من الايام نشتري بيت مع بعض او حتي نشتري شقق جمب بعض، وكان الرد دا بمثابة اعلان الحرب لمشاكل كتيره جدا حصلت بعد كدا، فكان ردها عليها بصدمه
انك ازاي ماقولتليش حاجه زي دي قبل كدا وازاي بتفكر في كدا وماقتولتيش وانا مستحيل اقبل بحاجه زي كدا لان الاختلاط بيجيب مشاكل وانا مابحبش المشاكل، حاولت اطمنها بكل الطرق واقولها لو حاجه زي دي حصلت فمستحيل حد يضايقك اصلا وانا موجود واحنا حتي مش عايشين في مصر ومش هننزل نعيش في مصر دلوقت ولو نزلت اشتغل في مصر فمعنديش شغل
في المحافظة اللي فيها اهلي ويا عالم اصلا حاجه زي دي تحصل او لا، بس ماينفعش تبني رفضك لفكرة لمجرد انك شايفه مجرد قربك من اهلي هيعملك مشاكل، وحتي هي ماتعاملتش مع اهلي كتير عشان اقول خايفه منهم في حاجه ولا سمعت عنهم حاجه وحشه وتعاملهم عادي جدا، ورفضها لفكرة انها تكون قريبة سواء شقق مع اهلك جمب بعض او بيت مع بعض
ولما الموضوع كبر ووصل لباباها واطراف كتيره جدا دخلوا فيها، ف باباها رد عليا وقالي انت قولتلناش كدا لما جيت تتقدم وانت معندكش خبرة في الحياة يابني ولسه صغير وصدقني انا الاختلاط دا بيعمل مشاكل واحنا بنتنا مش بتاعة مشاكل
وللعلم انا فعلا مليش حد في الدنيا غير اهلي وهما اهم حاجه في حياتي، و من واحنا صغيرين هنا ربونا علي اننا ملناش غير بعض وعارف اد ايه دي حاجه تفرحهم ان يحصل في يوم ان يكون فيه بيت يجمعني انا واخواتي، وحتي انا لو قولتلهم لا انا
يتببببببببببببببببببببع