بصو يا بنات انا كنت متجوزة من ابن عمي ١٥ سنه زواج معايا منه ٣ عيال هو كان بخيل جدا ومش بس كده كان دايما كل ما نروح لاهلي لاننا بمحافظه تانيه يقعد يقول ان معندهوش هدوم عشان ياخد لبس اخواتي القديم ومكنتش بشتغل وكنت باخد لبس اخواتي حتي عيالنا
ع مدار ١٥ سنه مجبتش غير لبس زواجي وكنت بحافظ علي وزني او اصلا كنت رفعيه من سوء التغذيه لما كنت بروح ازور اهلي لوحدي بالعيال هما بياكلو احلي اكل واغلي اكل كانت امي تروح تشتري اللحمه المجمده وسمن نباتي وزيت وتقولي انتي وعيالك متعودين علي كده واللحمه الظازه والسمن البلدي تعمل بيه اكل لاخواتي لو فيه تجمع
ومره عمري ما هنساها بابا عزمني في العيد انا واخواتي مسكت بابا بهدلته وقالت له انا مجبتش اكل مجمد كل ال هنا اكل غالي وقلت لك متجبهاش مع اخواتها قبل كده قلبي كان هيقف من الحزن وسمعتها بتكرر نفس الكلام مع اخواتي جينا ع الاكل ادتني حته لحمه وقالت لي كلي لحمه نظيفه عمر ما جوزك كان هياكلها لك كنت بكتم بنفسي ورغم كل مشاكلي مع زوجي كانت بتقف في صفه و تقوله هاتها علي نقاله ولا تطلقها وهو كان فرحان بكده
علي مدار ١٥ سنه ضربني وضرب ولادنا ضرب وحشي ويرمي عليا يمين طلاق اخر مره من ٤ سنين رمي اخر يمين فكلمت اهلي راح انكر وهما قالو ارجعي وهو يشيل الذنب كلمت شيخ قال حرام سبا له البيت وسيت العيال ورحت عند صحيتي جابت لي شغل ورفعت بنفسي بدون محامي خلع ونفقه واهلي قالو لي مش هتصرف جنيه خدت الخلع في ٣ شهور لاني كنت بجري ع الورق بنفسي
هو لما عرف رمي العيال بالشارع خ.تهم وبعد شهر خدت تمكين ونفذت وخدت الشقه واشتغلت وقاطعت اهلي يادوب مكالمه كل شهر وبابا ياعيني بيعيط كل ما يسمع صوتي ويقولي لو عايزه فلوس هبعتلك من سنتين قابلت شخص محترم واتجوزت وبعد زواجي ب ٦ شهور حملت زواج شرعي وكل الجيران عارفين معادا اهلي لاني مقطعاهم بعد الحمل جوزي اصر يصالحني عليهم وسافرنا البلد وهما قرفانين حتي ملقناش اكل جاهز ناكله لكن جوزي كان واخد زياره كبيره جدا
اول ما امي شافت الزياره سالتني بكام دي قلت لها ٢٠٠٠ راحت مطلعه فراخ من الثلاجه وعامله عشا جيت والدت جم زاروني عشان يتفرجو ع الشقه اول ما شافوها راخو قاعدين اسبوع جوزي ربنا يبارك فيه استقبلهم احسن استقبال وانضف اكل …
علي فكره هو كويس وكل حاجه بس الحلو ميكملش هو مزواج اتجوز عليا مرتين وانا حطه جذمه ببقي وسكت عشان بس بيعاملني قدام اهلي كويس دلوقتي هو حجز لينا مصيف واتفجات انه عزم اهلي وانا عماله اعيط واقوله مش عايزة اروح وهو يقولي صله رحم واللمه حلوه
وانا قلبي موجوع ومش قادره انسي الماضي خالص اعمل ايه اغضب و مروحش ولا ايه مع العلم انها بتتعمد تقل بيا قدام جوزي كل شويه تكرر كلام زي دي أكلها وحش شكلها وحش وهما ميعرفوش انه متجوز عليا وكل ما تشوفه تقوله روح اتجوز عليها الستات الحلوه كتير ايه عجبك فيها .. اعمل ايه شورو عليا
تعدييل
هي امي طبعا ومفيش شك لان ملامحي نسخه منها
ثانيا
الجزء الاخير من المشكله هناااااااااااااااا