السلام عليكم ورحمة الله وبركاته
قبل ما احكى حاجه انا عاوزه قبل ما حد ينصحنى يقرأ كويس ويحط نفسه مكانى
انا بنت عمرى في منتصف الثلاثين انا بنت يتيمة لا اب ولا ام ولا اخوات وجارتنا اخدتتى وانا صغيرة بعد وفاة اهلى وكتبتنى باسمها هيا وجوزها واتربيت في وسطهم مع ولادها
وبعد فترة بسيطة يمكن كنت 10 سنين وقتها اتوفت امى اللى ربتنى وبعدها بابا الله يرحمهم وفضلت عايشه مع اخواتى لان فعلا وقتتها مكنتش اعرف اننا مش اخوات
وخلصت دبلوم واخويا الكبير طلعنى اشتغل وياخد فلوسي وبالصدفة وانا عندى 25 سنة عرفت ان مش اختهم وقتها سمعت اخويا واختى وحماة اختى بتتكلم وتقول مش دى اللى ربتوها هيا لسه عايشة معاكم
ودخلت عليهم وقولتهم انا مين وقتها حكولى كل حاجه وفضلت معاهم في ذلة ومهانه وخدمة لاخويا ومراته واشتغل وياخدوا فلوسي لان معنديش مكان اعيش فيه ولما وصلت 30 سنة
قلت اعمل قرش للزمن لان انا مريضة كلى ومش هخلف لان اتولدت بدون رحم والحمد لله على كل شيء ورفضت ادفع قرش تانى للى المفروض انه اخويا وقتها طردنى نص الليل
ورمالى لبسي في الشارع ويعلم ربنا اتبهدلت قد ايه ونمت في المسجد لما حكيت للشيخ قصتى ربنا حنن قلبه عليا وبعدها بفترة واحدة بنت حلال اخدتنى اعيش معاها ومع بنتها
والحمد لله ربنا سترنى من الكلاب اللى كانت بتنهش في لحمى بس الست دى كانت مسيطرة عليا جدا مش بتسبنى افكر ولا اخد قرار وبتتحكم فيا في كل حاجة واشتغلت
وجمعت مبلغ واتقدملى شخص مناسب لظروفي واتجوزنا بفلوسي والست ساعدتنى واهل الخير ساعدونى الحمد لله ويشاء القدر بعد اقل من سنة زوجى يتوفاه الله ومرت العدة بتاعتى واهله والست اللى جوزتنى عاوزنى مش اتجوز تانى واعيش مع اهل زوجى وخلاص كده
وانا صاحبتى جابتلى عريس محترم جدا ونفس ظروفي مش بيخلف وانا فعلا محتاجه ونس معايا وسند بعد ربنا
والعريس ده الكل بيشكر فيه جدا وعدتى لسه خلاصانه من 15 يوم وطبعا نفسي اقولهم ان حقي اتجوز ومش عارفه اعمل ايه وخايفة مش يدونى عفشي كله وكمان معاهم فلوس ليا شايلاها معاهم خايفة ياخدوها منى
ومش عارفه اتصرف معاهم ازاى
هل اقولهم انا هاخد حاجتى واخد شقة ايجار واشتغل واعيش لوحدى وبعدها اتجوز
ولا اقولهم فيه حد مناسب وانا موافقة عليه
وايه يضمنلى انهم هيعطولى حاجتى وفلوسي وخاصة ان انا ماليش غير ربنا وحده
اعتبرونى بنتكم او اختكم وانصحونى لوجه الله