مريض نفــ..ــسي
السلام عليكم ورحمة الله وبركاته أخواتي الأعزاء
كل عام وانتم بخير ورمضان كريم
هحكيلكم قصتي وعاوز رأيكم بدون تجريح ولا أساءة عشان انا فيا اللي مكفيني..
كنت بحب واحدة حب الجنون بس كان حب من طرف واحد
المهم اتقدمتلها للزواج رفضت هي وأهلها لسببين
الأول انها معاها معهد فني تمريض وعاوزة تتجوز واحد معاه كليه
وانا تعليم متوسط معايا دبلوم صناعة
والسبب التاني بأني عملت مشكلة مع بنت من نفس البلد
قبل ما اتقدملها فهي خافت مني وقالت عليا ده بتاع بنات
ومستحيل اتجوز واحد زي ده..
انا طبعا ما سبتهاش في حالها وعملت ليها مشاكل مع أهلها وهددت أهلها
بأن ما اتجوزتهاش هفضحها في البلد كلها وأهلها خافوا من التهديد
وعملوا ليا محاضر في القسم والمحاضر دي ما كنش فيها دليل واحد يديني
المهم عشان مفيش دليل النيابه حفظت القضية وبناءً على كده رفعت عليها قضيه رد شرف
وكسبت القضية على الرغم انا اللي غلطان بس كنت عاوز اي وسيله اضغط عليها
وعلى أهلها بيها عشان اتجوزها
المهم فى سريان القضيه في المحكمة اتخطبت لابن عمها وانا طبعا هددت ابن عمها
انه يسيبها وكنت بنشر عليها كلام وحش يضر بسمعتها على الفيس بوك
ابن عمها خاف ودخله الشك وفسخ خطوبته منها وبعد فسخ الخطوبه بحوالي سنه
اتخطبت لواحد تاني من برا البلد واتكتب كتابها ولما عرفت زورت عقد عرفي
ما بيني وبينها ونشرته على الجروب بتاع القريه اللي فيها خطيبها التاني
وكان عاوز يطلقها بيضاء لولا قال الولد اللي عمل كدا يحلف على المصحف
أن العقد مزور وانا اهلي ضغطوا عليا احلف على المصحف عشان المشاكل تتلم
لولا كده وحلفت على المصحف وصوروني فيديو وانا بحلف على المصحف
ونشروني على نفس الجروب اللي نزل عليه عقد الزواج العرفي..
وبعد كده جوزها برده كان عاوز يسيبها.. راحو اهلي ودوني …..
يتبع