الجزء الاول
مشكلتى باختصار ان فى وحده جارتى حلوه واصغر منى بسنه ومش مخلفه وجوزها بيسافر كتير
كنت شاكة واتأكدت انها على علاقه بجوزى ومش ظنون ?
من كم يوم كانت فى زياره عندى وتعمدت اسيبها مع جوزى وادخل اخد شاور وكنت مشغلة كاميرة الفيديو بتاعة الموبيل
و حصل تجاوز **هى كانت متجاوبه معاه??
الفيديو معايا ولحد دلوقت محدش يعرف انى عرفت
هى شخصيتها خفيفه وفيها سنة طيبه او هبل
وعارفه ان جوزى ممكن يكون هو اللى حاول معاها لحد ما وقعها فى شباكه
نسخت الفيديو على تليفون قديم صغير كان عندى
وروحت لها امبارح وجوزى نايم واتكلمت معاها
وكنت مرتبه انى اروح لها فى الوقت دا بالذات
عشان امبارح كان اجازه وجوزى فى البيت عشان لما اسيبها وارجع شقتى ما تلحقش تتصل بجوزى
وكان جوزها موجود زيادة تأكيد انها ما تعرفش تتصل بجوزى لحد ما اكمل خطتى
قولتلها من غير حوارات كتير انا عرفت اللى بينك وبين جوزى
طبيعى طبعا ارتبكت وانكرت وازى تقولى كدا وانت بتشتمينى فى بيتى والاسطونه المحفوظه اللى انتوا عارفينها
سبتها لحد ما خلصت خالص من غير ما اتكلم وكانت موطيه صوتها وبتحاول ما تنفعلش عشان جوزها موجود واللى على راسه بطحه وانتوا عارفين
ووقفت وقالتلى ورايا شغل * يعنى بتطردنى بالادب
قولتلها اقعدى بس انا مش جايه اهددك ولا اضرك انا جايه لمصلحتى ومصلحتك
لسه هاتتكلم وتعيد الاسطوانه تانى
قولتلها……….يتبع