وروحت لزوجتى وقولتلها اللي حصل قعدت تبكى وتقولى فعلا حصل انا مبعتش ليها الجواب بتاعك ولا جبلتلك جوابها..لانى بحبك جدا ومش متصوره ان احد ياخدك منى….
من وقتها وحياتى اتبدلت معاها…بحس انى مش قادر اصدقها فى شى
close
وكل شويه افكر اروح لحبيتى الاولى واقولها بس خايف ادمر حياتى وحياتها
انا حرفيا عندى اختلاط رهيب بالمشاعر ومحبتش غيرها وحاسس ان حياتى مش هعرف اكملها من غيرها…وزوجتى مثاليه بمعنى الكلمه حتى تقلعنى الجزمه والشراب وتنتظر على الباب لحد ما اطلع اروح الشغل..بس كل ما اشوقها اتخيلها حبيبتى الاولى…مش عارف اعمل ايه
وكمان بقيت اروح تانى ذى المراهقين اسلم على حبيتى الاولى وامشى ..وهى تضحك وانا اضحك بدون اى كلام..رغم انى مش راضى على التصرف ده وانا حاجج والحمد لله وبصلى .. بحلم بيها كل فتره
روحت لدكتور نفسى فتره وبرده مفيش فايده