مشكلتى انى كنت بحب واحده من اولى ابتدائى وعمرى ما اعترفت ليها وكنت بشوف الحب فى عنيها بس كنت دايما اخاف اعترف ليها مع اننا كنا بنتكلم كلام بسيط..ودايما كنت بقول لنفسى لما ادخل الجامعه هقولها ….
ولما دخلت الجامعه دخلت انا جامعه اقليميه انا وصحبتها اللى كانت بتقعد جنبها فى الدكه في المدرسه …فقولت استغل الفرصه دى وابعتلها جواب مع صحبتها اقولها على مشاعرى تجاهها …
لكنى فوجئت منها برد انها مرتبطه بانسان تانى وانها بتعتبرنى ذى اخوها ..فانسحبت تماما من المشهد وما وحاولتش اتواصل معاها تانى وركزت جدا فى دراستى والحمد لله حققت هدفى بالتعيين فى الجامعه ..وطول الفتره دى حصل تقارب بينى وبين صاحبتها واتجوزنا وانجبنا اطفال وحياتنا مستقره الحمد لله…
لكن حصل انى قابلتها صدفه بعد حوالى ١٥ سنه فى احد المصالح الحكوميه وتكلمنا مع بعض وفى وسط الحديث رمت ليا جملة ..ما انت اللى اخترت…ان شا الله تكون عايش مبسوط..
فاستفهمت منها على معنى الكلام قالتلى انها كانت بتحبنى وبعتت ليا جواب مع صاحبتها اللي هي مراتي حاليا وانى رديت عليها اننى مرتبط بصحبتها وانى باعتبرعا ذى اختى وده طبعا محصلش…..انا صعقت وما اتكلمتش معاها فى شئ لاني فهمت ان صاحبتها اللي عملت كده
وروحت لزوجتى وقولتلها اللي حصل قعدت تبكى وتقولى فعلا حصل انا مبعتش ليها الجواب بتاعك ولا جبلتلك جوابها..لانى بحبك جدا ومش متصوره ان احد ياخدك منى….
من وقتها وحياتى اتبدلت معاها…بحس انى مش قادر اصدقها فى شى
وكل شويه افكر اروح لحبيتى الاولى واقولها بس خايف ادمر حياتى وحياتها
انا حرفيا عندى اختلاط رهيب بالمشاعر ومحبتش غيرها وحاسس ان حياتى مش هعرف اكملها من غيرها…وزوجتى مثاليه بمعنى الكلمه حتى تقلعنى الجزمه والشراب وتنتظر على الباب لحد ما اطلع اروح الشغل..بس كل ما اشوقها اتخيلها حبيبتى الاولى…مش عارف اعمل ايه …
الجزء الاخير من هناااااااااااااااا