طاجن سمك بالصلصلة
سلفتي عروسه بقالها اسبوعين امبارح عملت طاجن سمك بالصلصه وارز ببصل وسلطه هي اول مره تنزل وتطبخ امبارح
إحنا في بيت عيله وكلنا بناكل مع بعض جوزي قعد يقولها تسلم ايدك
والله اكله جميله وهي تقوله ربنا يخليك ياعمو وقعد يقول لسلفي حطها في عنيك وكلام من ده كأني كيس جوافه هي صراحه الأكل كان حلو بس أنا اديقت جدا
ومسكت في جوزي لما طلعنا قولته المدح بتاعك ده هتخليها تشوف نفسها عليا قالي بس ياصورمو دي عيله وبفتح نفسها عشان تاخد علينا وتطمن وتعيش في وسطنا وقالي هي اختي الصغيره ومفروض تعتبريها اختك عشان الناس متسمعش بينا
وقعد يقولي انتي هتغيري من عيله صغيره مع ان الفرق الابيني وبين سلفتي ١٠سنين دلوقت أنا صممت وقولت محدش يعمل معايه حاجه هي صراحه العروسه قالت إلا تشوفيه ونفسها هادي جدا عملت ليهم محشي مشكل ولحمه لقيت جوزي قعد يقول ليا تسلم ايدك ياحببتي قدامهم
ولما طلعنا شقتي قالي صراحه المحشي اول مره ادوقه بالجمال ده معرفش ان الغيره بتعمل كده وأنا بصراحه متغاظه منه عشان مصمم اني غيرانه من سلفتي
وكل شويه يضحك عليا وأنا قاعده متغاظه وقعد يقول دحنا شكلنا هنعيش ايام عسل عشان منافسه
الأكل بتكون حلوه انتم الاتنين هتطلعوه أحلي ماعندكم قولي اعمل ايه عشان مقهوره من اسلوبه الغبي ده وحماتي بتقعد تضحك وكل إلا يهمها أن شغل البيت يتعمل وخلاص وحماي ميت واخوات البنات جوزي متجوزين ?