مشكله عضوه…
انا مقهورة بجد .. أنا أمي استلفت ٨٠٠ جنية م ناس جيرانا علشان خطيبي كان مسافر فكان لازم نعزمه على الفطار قبل مايسافر فماما اتصرفت في الفلوس علشان لسه مقبضناش المعاش و عملت ما بوسعها علشان تعمل عزومه تشرفني قدامهم
فمكنش متاح بالفلوس اللي معانا ديه غير نجيب سمك لانهم حوالي ٥ واحنا ٤ وانت عارفين اللحمه والفراخ هتتكلف كام دلوقتي لو حبينا نجيبهم للعدد ده غير جنب الاكل لازم حلويات اوفاكهة فعملنا السمك وهما لما شافوا السمك معجبهمش وقالي هو حد بياكل سمك في رمضان فين المحاشي والبشاميل واللحمه بضحكة سخريه ومامته قالت الدكتور مانعني من السمك ونفس الموضوع اخته
وكنا في نص هدومنا وهما قاعدين وممدوش ايدهم في الاكل لو سحمتوا تصورا انتم الموقف يبقى عامل ازاي حتى مجبروش بخاطر امي وتعبها وجاريها من قبلها بيموين علشان تقضي الفلوس وتجيب الاكل ومخافوش على زعلنا وهو قال قاعد محروج من اهله علشان احنا مشرفناهوش قدامهم ويقولي دانا جايبلك علبه كنافه غالية علشان اشرفك وانتي ليه مضغطيش على امك تعمل حاجه غير ديه