انا ٣٧ سنه متجوزه بقالي ١٠ سنين زوجي كان مطلق وابنه عايش معانا.. انا بموت يوميا لان نفسي ابقي ام بقالي اكتر من ٤ سنين بتحايل علي زوجي نجيب اخ لابنه رافض رفض قاطع بيقولي مقدرش اتحمل مسؤولية أطفال تانيه في عز الغلاء اللي احنا فيه متزوديش همي في الحياه
هو شغال محاسب وطبعا مرتبه مش كبير اوي ولكن يقدر يجيب طفل كمان و هنعيش حياة متوسطه زي ناس كتير
سني بيكبر وصحتي مش زي الاول ونفسى اوي اوي اخلف نفسي اعيش احساس الامومه وهو حارمني وبيهددني لو خلفت ان انا اللي هتحمل مسؤولية الطفل الجديد
انا مش عارفه هل حرام انه حارمني من الخلفه وهيتحاسب علي كده انا فكرت كتير في الانفصال ولكن حتي لو انفصلت ممكن متجوزش تاني لان سني كبر.. حاسة بانهزام كبير وحاسه ان اشتياق الامومه تعبني اوي اوي ربنا يعلم انا بعتبر ابنه كأنه ابني ربنا يخليهولنا وبحمد ربنا
بس زعلانه انه مش هيبقي عنده اخوات وحزينه اني هكبر في السن ومش هعرف بعد كده اخلف نفسي اخلف اوي نفسي أحمل اوي نفسي ربنا يرزقني
طبعا زوجي جابرني امنع الحمل بكل الطرق المتاحه لدرجه بقيت اخاف احمل علي الموانع لحسن يهددني تاني
ايه الحل في حالتي
هل ينفع ابطل الموانع واحمل ولا هيبقي غش وحرام عليا انا حاسه ان حق مشروع ليا اني اخلف انا عاوزه اكون ام وعاوزه اخ او اخت لابنه واللي تاعبني اكتر انه كل يوم يقولي
يتبببببببببببببببع