هلقكوا مشكلتي وفهموني بالراحه ليا حق ازعل ولا لا
اولا علاقتي ب أهل جوزي فوق الممتازه وهو وأخواته روحهم ف بعض وكذالك انا وأخواته وزوجات اخواته بنحب بعض جداا
ليا سلف مسافر الكويت ونزل وجه يقعد معانا اسبوع هو وزوجته والاولاد وهو جاي جاب هدايا لبناتي واداهم فلوس وطبعا الموضوع عادي وطبعا انا حابه قعدتهم معايا جداا عشان لما بنروح زياره بيشلونا على دماغهم وخصوصا زوجته
المهم لقيت سلفتي دخلالي المطبخ بتديني 1000ج تقولي خدي دول انا عارفه ان الأسعار كلها غاليه ومصاريف البيت كتير طبعا انا رفضي كان عشان لما بنروح بتعمل احسن اكل وتديني وانا ماشيه وعمرها م قصرت ف حاجه
المهم انا رفضت جامد وزعلت طب ليه تعملي كده هو انا قصرت معاكي ف حاجه انا الحمد لله حالتنا الماديه حلوه
بعد مشدينا مع بعض شويه سكتت ودخلت وانا مخدتش الفلوس نزلت بالليل هو وجوزها كانت بتكشف على ابنها وجابت وهي طالعه فراخ ولحمه وكبده وطبق بيض وجبن كتير وبسطرمه وازازه زيت كبيره ورز ومكرونه وحاجات ل خزين البيت طب وهم جايين جابت فاكهه وحلويات
وعطوا لبناتي فلوس ده عادي مينفعش ارفضه لاكن التصرف بتاعها ده حسسني اني مقصره او هي شايفه ان احنا مش قادرين على قعديتهم معانا مع العلم والله جايين برزقهم الحمد لله ف انا اخدت منها الحاجه
يتبببببببببببع