قصة وعد عمرو. الجزء الرابع
” عدىٰ تلت شهور، وعمرو كل يوم بيثبتلي إني اخترت صح، أثبتلي إن مش صوابعي كلها شبه بعض،
واقنعني بجُملة البَطن قلّابة فعلًا”
– أنا شايف إننا نحدد الفرح
_ ” شرقت وأنا بشرب، ففِضل يطبطب علىٰ ضهري” فرح مين
– فرحنا يا وعد
_ احم مش شايف إنه بدري شوية؟
– وعد إنتِ شرعًا مراتي خلاص، أنا بس عاوز نشهر جوازنا، وتيجي تعيشي في بيتي،
بدل ما أنا ما قربت أقيم عندكوا، وابوكي قرب يطرُدني كدا
_ ” ضحكت وبعدها كشرت، بما افتكرت، طلبه، أنا خايفة، هوٰ مش هيفهم خوفي” عارفة بس يعني
– ” كشر” وعد إنتِ لسه مش واثقة فيا؟
_ عمرو، مش حكاية مش واثقة فيك، بس أنا لسه خايفة
– ” حضني” يا حبيبي أنا هنا عشان أطمنك، إوعي تخافي أبدًا وأنا موجود
_ ” رفعت راسي من حُضنه وبصيتلُه” هتطمني علطول؟
– كل ثانية
_ مش هتتغير أبدًا؟
– أنا أساسًا من ساعة ما ادوني الشخصية دي وأنا مكسل أغيرها
_ مش هتزهق مني
– طب أنا راضي زمتك، حد قالك عليا إني حُمار عشان أزهق من كرتونة الفراولة دي؟
” ضحكت وحضنته”
• وعد
_ نعم يا ماما؟
• تعالي يا حبيبتي اقعدي
” رُحت قعدت جنبها على السرير”
• عمرو كلمني وقالي إنه عاوز يكلم باباكِ عشان تحددوا معاد الفرح
_ ” اتوترت” آه ماهو بيكلمني في الموضوع دا من فترة
• طيب أنتِ رافضة ليه يا حبيبتي أنتِ لسه مش حبيتيه؟
_ ” قُمت وقفت وبصيت علىٰ صورة خطوبتنا اللِ متعلقة علىٰ الحيطة عندي”
عمرو أحلىٰ شيء حصلي في حياتي يماما، عوضني كل شيء وحش شوفته مع حمزة،
اكتشفت إني صغيرة أوي قدام عقله وتفكيره، وإن برغم إنه أصغر مني بسنتين إلا إنه كبير أوي،
حد شاطر وواعي وعنده طموح، حببني في نفسي بعد ما كنت كرهاها ومعنديش ثقة فيها،
عرفت إني مينفعش أكون غير لعمرو، ومينفعش يكونلي راجل غيره، بثق فيه وبحبه أكتر من نفسي،
أنا بس عاوزة اتخلص من خوفي دا، عشان لما نعيش سوا، نعيش حياة هادية،
منغير ما يحتاج كل شوية يطمني، بس دا مش معناه إني مش عاوزة إننا نعيش في بيت واحد بالعكس،
أنا مستنية اليوم دا، ومستنية يوم فرحنا، كإني لأول مرة هتجوز وهعيش الإحساس دا
– طب اشيلك دلوقتي وأطلع علىٰ شقتنا ولا أعمل في حلاوة أهلك دي إيه؟
” بصيت ورايا بخضة لقيته، بصيت على سريري ملقيتش ماما، آه يا ماما يا مش جدعة”
_ ” اتكلمت بتوتر” أنا يعني كنت…
– أنا بقول إننا نحدد الفرح وبسرعة
– ” قرب مني ومسك وشي بين كفوفه بحنان وطبع بوسة على جبيني” ششششش إنتِ كل حياة عمرو والله، وأنا مستعد أعيش الجاي كله وأنا بطمنك، منغير ما ازهق أو اشتكي لحظة واحدة، ومش عاوز غير إني أصحى كل يوم علىٰ العيون الحلوين دول
_ طب إيه 19/12 حلو؟
– مش فاهم
_ انتَ قُلت جُملة من شوية كدا
– ” بصلي وبعدين فهم أنا قصدي على إيه، وضحك وهوٰ بيلف ايده حوالين وسطي
وبيقربني منه أكتر” دا قمر مش حلو بس، يعني صدقت الرؤيا؟
_ ” قُلت باستغراب” رؤية إيه؟
– إني هخليكي تحبيني
_ آه تخيل! جيبتني علىٰ ملىٰ وشي كدا ينفع؟
– طب ما أنا جيت علىٰ ملىٰ وشي ووقعت اتكحرت من الدور الستاشر ومتكلمتش
_ ياااه من الدور الستاشر؟
– آه شوفتي؟
_ لأ دا انتَ حالتك صعبة أوي، طب إيه مش هتشيلني؟
– ليه يا حبيبي رجلك بتوجعك أو حاجة؟
_” مسكته من ياقة القميص وأنا باصه عليها” لأ اصلك قُلت جُملة من شوية كدا عجبتني
– ” بصلي بعدم فهم وبعدين بصلي بنظرة خبيثة غير مُهزبة وقمر زيه وضحك وقال” بنت إنتِ مش سالكة
_ ” قُلت بدلع وأنا عيوني في عيونه” سلكان؟ إيه الكلمة الغريبة دي؟ ما تعلمهالي
– ” قال وهوٰ بيقربني ليه أكتر” طب ما أعلمك الأدب والأخلاق الحميدة أحسن، أصل أنا مؤدب جدًا
_ قُلتلي هتخليني أعتذر كل يوم
– آه كل يوم كل يوم
_ عشان إيه؟
_ ” ضحك” عشان أنا مؤدب جدًا♥️
” وقابلتَك إنتَ لَقيتَك بتغيَّر كُل حياتي، معرفش إزاي أنا حبيتك، معرفش إزاي يا حياتي؟♥️
#مُولي_مُحمَّد’?
#وَعد_العَمرو’?
#اسميتَهُ_عَمرو’?
تمت