السلام عليكم
هحكيلكم وانتوا تحكموا
دلوقتي اخويا كان عايش في بيت اللهم بارك حلو جدا هو ومراته
مع ذلك مراته فضلت تزن عليه تزن انهم ينقلوا في شقة اوسع مع انه شقتهم كانت جميلة جدا وكلنا حتى ماما قولناله اوعى تسمع كلامها وماما حلفت عليه
بس هي اشتغلت في الزن لحد ما طاوعها وجابلها فعلا شقة جديدة واسعة
الاول جابها من ورانا لحد ما انا شكيت وفضلت ادور ورا الموضوع ودورت في دولابهم وهما مش موجودين في درج الورق لقيت فعلا فيه عقد بشقة ٢٢٠م
قولت لماما وعملنا مشاكل وقاطعناه فترة لكن هو قال انا معملتش حاجة غلط وفعلا نقلوا عفشهم واشتروا كمان اوضتين جداد كأنها عروسة
فا لما نقلوا قولت لماما كده الشقة القديمة هتتساب فاضية ولا ايه فا هي كلمته وسألته هتأجرها ولا هتخليها قالها هخليها لابني يبقى يتجوز فيها..
فا قالتله طيب ديه اختك قاعدة في ايجار اديها الشقة بدل ما فلوس جوزها رايحة على الايجار ويبقوا يمشوا منها لما ابنك ييجي يتجوز والا هنفضل مقاطعينك فا هو قال ماشي
تاني يوم بقى المحروسة مراته لقيتها بتتصل بيا وزعقت معايا واتهمتني اني طمعانة فيهم وفي شقتهم وانا مسكتلهاش برضو بهدلتها..
دلوقتي مش عارفة اقول لاخويا اللي هي عملته واخليه يزعقلها ويخليها تعتذرلي ولا مقولهولش واخد منه المفتاح وانقل فيها ولا كأنها قالت حاجة وارجع بعدها اقاطعهم تاني