أنا خاطب بنت محترمه وكويسه جدا معايا وقربنا نتجوز المهم أن أنا اختي محجوزه ف مستشفي وتعبانه وانا وأخواتي وامي علطول معاها ف المستشفي ف خطيبتي واهلها راحو المستشفي وزارو اختي وخطيبتي لاحظت أن بنشتري اكل جاهز كتير وكل يوم ،
ف مشكوره لقتها تاني يوم بتكلمني وراحت المستشفي ولقتها عامله اكل ليا أنا وأخواتي ووالدتي ووالدي وقالتلي حرام كفايه فلوس المستشفى والعلاج وكمان تجهيز الشقه أنا قولت اساعد بحاجه بسيطه انت بتدفع فلوس كتير ف الاكل الجاهز ده كل يوم وكمان هتزهقوا متشلش هم وانا هعمل الاكل وهبعتوا كل يوم قولتلها لا متتعبيش نفسك ف رفضت وقالتلي احنا واحد وبقت كل يوم تبعت اكل حلو جدا والأكل بيخلص وبناكلو مفيش حاجه ،
جت امبارح بعتت الاكل ودخلت تسلم علي والدتي وأخواتي وانا كنت برا بجيبلها عصير ف امي بدون سبب قالتلها متجبيش اكل تاني معاكي لان حرام بتجبيه ويترمي وبنشتري من برا بردو ، ف خطيبتي قالتلها ماشي ومشيت رجعت بكلمها قالتلي لما أنتو بترموا الاكل مبتقوليش ليه مكنتش جيبت حاجه طالما أنا اكلي يقرف كدا وبترموه قولتلها والله ابدا الاكل بيتاكل كله قالتلي متحلفش أنا الي غلطانه اصلا وقفلت
بكلم امي تقولي أنا بقولها كدا عشان حرام منكلفهاش وعماله تقولي أنا مقصدش وتزعق ، ومش عارف اعمل ايه ف الموقف ده ومكسوف من خطيبتي جدا ومش عارف اروحلها حتي اقول ايه وهي مش هتصدق كلامي ومتعصبه اصلا اتصرف ازاي معاها واصلح الموقف ده ازاي ؟