السلام عليكم
حضرتك ممكن تنزل مشكلتي بدون اسم
انا نفسيا مدمره ومش لاقيه حل مشكلتي اني غلط وكنت علي علاقه بشخص للآسف وانا متزوجه لكن صلحت الوضع وطلبت الطلاق وفعلا اطلقت ومعايا بنتين الشخص ده فيه كل المواصفات الحلوه شكل جميل ومركز ومستوي مادي ممتاز وحنين جداااااا بيهتم بكل حاجه فحياتي وكان هو السبب في طلاقي بجانب مشاكلي المستمره مع زوجي لقيت فيه كل اللي محرومه منه وهو كان بيحب بناتي جدا ووعدني بالزواج وقالي عيالك ف عنيه و هيعيشو معانا هو مطلق لكن بدون اولاد
كنت في قمه سعادتي وروحت اتفرجت
علي شقته ورسمت عيشه تانبه جميله ف خيالي لحد ما ابتدا يتغير عليا ويتهرب مني واكتشفت انه خطب بنت صغيره وجميله لم يسبق لها الزواج ومبسوط معاها جدا واتهرب مني انا مش طبعي اني اذل نفسي لحد حتي لو روحي فيه المهم بعتله رساله شتمته ودعيت عليه بس حاسه اني ما اخدتش حقي منه لانه دمر حياتي وسابني مش عارفه اعيش من غيره ولا قادره انساه ومش عارفه اتصرف معاه ازاي