المنحوس منحوس ايوه الله😢
ياخدى جوزى صالحنى وقالى نفسك فى ايه وانتو عارفين ان الكلمه دى مش بتيجى الا فى العمر مره واحده 🙄قلتلو نفسى اروح اسكندريه ان شالله لو يوم واحد اهو ننزل البحر ونغير جو انا وانت والعيال قعد يقلى الجو لسه ساقعه قلتلو ياعم متخفشى الجو هيكون جميل وقعد اقنع فيه ساعه لحد موافق😏
المهم وافق وانا فرحانه وعملت كفته ملهاش طعم دى بدايه البشاير😢 قلت مش مهم هتتاكل هتتاكل وقمت ياخدى مجهزه الشنطه متقليش طالعه عمره رمضان المهم العيال فرحانين ايه مقلكوش فرح العمده بقه وقمنا نزلين من الفجر وتشفونى وانا شايله العوامه فى ايد ونطاره البحر فى ايد تقولو عليه مجنونه 🙄😏
وجوزى على حبه عينو وانا عماله اساند فيه عشان ميرسمشى ال١١١ اللى انتو عرفنها دخالنا الشاطىء وجرى ابنى قلع ولبس الميوه وبنتى جريت ياخدى لبستو وانا عماله اقول للعيال يلا اجرو والعبو راحو لحد المايه لقتهم اتشنكم وعمالين يرتعشو يانهر اسود قمت جرى من على الكرسى قبل مأبوهم ياخد باله قاعد اقرص فيهم عشان ينزلو الميه عشان الفضايح المهم نزلو لحد ركبتهم وايه وهمه عرفين الفرخه المسلوقه عاملين زيها لقيتهم سابو الميه وبيعومو فى الرمل
المهم جوزى عمال يبصلى وهوه ياحبه عين امه كمان بيرتعش وانا واكله سد الحنك هتكلم اقول ايه لقيت ابنى ساب كل حاجه ومعلق العوامه فى رقبتو والنطاره على عينو ومغطى نفسو بالرمل قال ايه بيدفى نفسو من الساقعه وانا عماله اقوم فيه مش راضى يقوم لحد ملقيت شفايف الواد ورمت من الساقعه مش بقلكم المنحوس منحوس اخدو ولبستو
وعنيكم متشوف الا النور من جوزى وانا عماله اضحك اضحك من الصدمه والكفته اللى ملهاش طعم كل حاجه كل حاجه كانت جايه فوق دماغى
وارجع واقول هوه كان قايلى نفسك فى ايه مش من قلبو عشان كده باظ اليوم صح 🤔🙄🤨