صباح الخير عليكم انا عندي مشكله مأرقاني جدا ومش عارفه هل انا صح ولا انا مكبره الموضوع انا مخطوبه لطبيب عمره ٣٢ وانا ٢٥ خريجة فنون جميله لينا سنه مخطوبين تقريبا هو وحيد علي ٧ بنات وهو اصغرهم
من ساعه ما اتخطبنا عمره ما خرجني او اتفسحنا حتي لو مع اخويا مثلا وحتي لما حاولت اتكلم معاه قلتله نروح نجيب طقم العيد لقيته بعتلي ٢٠٠٠ جنيه مع والدي ورفض بحجة انه مش عايز يخرج الا بعد كتب الكتاب
تاني حاجه هو شخص جدا جدا خجول يعني عمره ما بص في عيني دايما وشه في الأرض وصوته هادي قوي وحتي لبسه دايما بدل وكرافت مش بيلبس كاجوال نهائي لما اتصل عليه واحاول اتكلم معاه يقولي استأذني والدك الاول عشان مينفعش كده بييجي يزورني مرتين في الشهر ويقعد ساعه ويمشي فورا بيرفض يقعد معايا الا بوجود اخويا او والدي
المشكله الأكبر انه حرفيا احلي مني وعينه خضرا انا صوتي عالي بطبيعته حبيت اخد رأي صحباتي خليته ييجي وصاحباتي كانو عندي طبعا كان قاعد عرقان ومتكلمش وشكله كان جدا مكسوف ربنا يسامحها صحبتي لما لاقته كده قالتله انتي بتتكسفي يا بيضه طبعا خد بعضه ومشي فورا وصاحباتي قالولي انتي ارجل منه ده شكله بنوتي طبعا من وقتها وانا قفلت من الموضوع تماما وهو بقاله شهر مجاش عندنا نهائي ولا كلمني وانا مش عارفه هل كده اكلمه ولا انهي الموضوع ولا اعمل ايه