ابني رمي كيس الحلويات
السلام عليكم .. انا بحكي مشكلتي ليكم و انا بعيط مش عارفه اتصرف حقيقي .. انا متجوزة ف بيت ف شارع ف منطقه شعبيه .. ليا ست جارتنا ف البيت اللي قدامي تعاملها صعب اوي مع كل الناس بس انا كدا كدا ف حالي مليش دعوه بيها .. المهم انا عندي ابني طفل عنده اربع سنين ف كنت جيباله كيس فيه حلويات و معوداه أنه بعد م
يخلص بيلم كياس الشيبسي و الحلويات ف الكيس و يربطه و يديهولي نحطه ف الباسكت .. المهم انا كنت ملخومه ف المطبخ و هو عمال ينادي عليا قلتله استني بس ثواني اخلص اللي بعمله و اجيلك و عارفه أن مفيش خطر من حاجه المهم راح هو دخل البلكونه و حدف الكيس من البلكونه .. و حظي المنيل أن الكيس وقع ف الشارع قدام بيت الست اللي بتزعق دي المهم انا سمعت صوت ف الشارع ف طلعت لقيتها عماله تشتم وتزعق و انا مش فاهمه فيه ايه ف جيه جوزي م
الشغل بالعربيه و لسه بيركن سمعها بتزعق ف بيقولها في ايه ي حجه راحت حكتله وانا واقفه اساسا مش فاهمه حاجه و معرفش اللي ابني عمله ف لسه بفهمها و بشرحلها بقول ده ابني اللي رمي والله ي طنط مش انا لقيت جوزي من تحت بيزعق و بيشتمني ف الشارع و بيقولي قدام الناس انتي …
بس اطلعلك و هوريكي انتي و ابنك و كلام احرجني و خلي شكلي ف الشارع قدام الناس كلها مقرف رحت دخلت بسرعه و قفلت البلكونه و قعدت اعيط مصدو*مه لاني حقيقي مش فاهمه .. لقيته طالع من غير
م يسمعني فضل يزعق و يقولي ايوا فضحتيني ف الشارع و انا راجل ف حالي مبحبش المشاكل ف انا مبقتش عارفه اعمل ايه و هو استفزه اني ساكته و بعيط راح كرشني و قالي روحي علي بيت ابوكي .. انا حاليا ف بيت ابويا انا و ابني و مش عارفه اعمل ايه و اهلي مصممين يطل+قو*ني منه وانا بحبه بس مستغربه ازاي يعمل فيا كدا …
ياريت تقولولي حل بالله عليكم