بنات انا عايزة افضفض واخد رأيكم برضو انا متجوزة وبحب جوزي اوي وهو بيحبني اوي اوي كمان
و بيننا اطفال المهم في حاجة كدا من مدة قصيرة هو وضعه كويس الحمدلله و برستيج وابن ناس بس احنا سكننا في عمارة جديد
و في بوابة و معاها جوزها وولادها تمم لا مش تمم انا من وقت ما جيت الشقة دي وانا ملاحظة البوابة اول ماتسمع صوت جوزي تجري تقف عالباب و تبص له كتير اوي نظرات اعجاب انا ست و فاهمة تمم قطعت عليه أنه كمان بيبص تمم بيجي يقف مع جوزها عشان يطلب منه حاجات تيجي هي تجري ترشق في الحوار و تقف و تفضل تتنح له في وشه
جبتها تنضف لي حاجات معينة ف البيت لاقيتها فاكة الطرحة عادي في وجودو مع انها لما بتلاقي راجل غريب بتحط الطرحة علي بؤها تمم و بعد كدا لاقيتو بينزل يجيب حاجة الاقيه يسلم عليها وهو معايا و لما بشوفو بلاقيه بيبص لها بإبتسامة كدا غريبة مش مريحاني و لما اجيب له سيرتها بحاجة مضيقاني يضحك و يقولي بجد كبري دماغك ايه الارف بتاعها ده بس بطريقة عادي كدا و تعدي الايام و الاقيهم بيبصو لبعض برضو لسة فأنا دمي حر مقدرتش اعدي وجهتو و قولتلو هو في ايه
لا مكانتك ولا وضعك يسمحلك انك تعمل كدا إيه الأرف والعك ده قعد يحلف انه مفيش حاجه وانه بيتهيئ لي وانه ازاي يبص لحد كدا مع احترامي للشغلانة بس مش هبص لل بوا يعني و كلام من هذا القبيل يغيب يومين و الاقيه بتعمد ينسي حاجات عشان ينزل وهو لسة طالع انا في حاجة مش مريحاني من نحيتو هو كمان وهو حاسس مني بكدا اعمل ايه اتصرف ازاي انا بكلمو وهو داخل العمارة عشان أتأكد انه ما وقفتهوش او تطلب منه فلوس او حاجة لانها طماعة اوي انا شاغلة له حياته و مهتمية بشكلي اوي و بيه و هو بيشهد ب ده بس جو النظرات ده في حاجة مرعوبة كدا عايزة حل 😭💔 انا ببص عليه بعد ما ينزل الاقيه نزل بسرعة ما وقفش معاها ولا بيكلمها براقبو من بعيد