انا مخطوبه جديد …. ولاحظت بعد التصرفات عليه مش قادره افهم دا بخل ولا اي …. انا الحمدلله م عيله مرتاحه جدا ومش محتاجه حاجه عشان محدش يقولي أنه مش م حقي يجيب او كدا +اني بشتغل شغل كويس جدا ومكانه محترمه و معايا فلوسي ……. بس عاوزه اعرف دا بخل منه ولا انا فهمته غلط عشان دا قرار م بعده هكمل أو افسخ
مع العلم أنه مقتدر جدا و مرتبه معدي 15 الف ف الشهر …. اول يوم جه زياره ليا جاب معاه 2ك عنب و 4شكولاته ديري ميلك كبيره
معلقتش لا انا و لا اهلي اتكلموا ف الموضوع ..
ف بلدنا لازم العريس اول زياره ينقط العروسه فهو اداني 200ج ….
بقالنا اكتر م 25 يوم مخطوبين مرنش عليا 3 أو 4 مرات و المكالمه مكنتش بتزيد عن 10دقايق بس ف اليوم كله …
كنت بكلمه واتساب مره وهو كان عند السوبر ماركت ف بقوله ممكن تجبلي كارت عشان النت هيخلص ومش معايا داتا ومفيش حد ينزل يجبلي دلوقتي الكلام دا كان الساعه 1باليل ….
جابلي فعلا الكارت بس قالي ابقي رني عليا منه عشان انا كنت هجيبه لنفسي فبقوله طب هات واحد ليك قالي لا كفايه واحد ابقي رني عليا منه وخلاص … فالكارت خلص لانه كان فكه ب 8ج دا و مكلمش للصبح معايا ف بعتلي بيقولي
كلام صدم*ني
قالي يعني مرنتيش قولتله الكارت خلص زعل و قالي ازاي دا لسه جايبه باليل و كلام م دا …. معلقتش و بعت ل بابا ع الواتس أنه يشحنلي فعلا شحن و رنيت عليه قالي انتي جبتي كارت تاني قولتله بابا شحنلي قالي انتي مبذره و بتصرفي كتير ف الرصيد …… وم بعدها متكلمناش تاني فون خالص بسبب اني مش برن وهو مش بيرن …بعد كدا جه عندي مره تانيه فاضي مجبش حاجه خالص معاه و كنا
عازمينه ع العشا وكدا بردو معلقتش … جه يوم العيد بردو فاضي ومش جايب معاه حاجه مهمنيش بس اللي خلاني افكر أنه بخيل أنه مدانيش عيديه ودا اول عيد بينا اصلا فقولت بيني وبين نفسي واحنا قاعدين يمكن مش معاه فلوس وكدا وسكت ف نفس الوقت طلع المحفظه و عد فلوسه قدامي ومبلغ يعني ممكن 3000 مثلا مركزتش يعني مبصتش عليه اول م طلعها و بعدت عيني عنه عشان ميفهمش غلط … ف بكدا هو معاه فلوس بس مدانيش عيديه ولا جابلي حتي هديه يراضيني بيها م باب الاهتمام …. غير أنه قالي أنه لسه قابض قبل م ينزل اجازه يعني م يومين مثلا او 3 ايام بالكتير
بقوله مش بترن ليه عليا وتسأل عليا قالي اصل انتي 011وانا 015 ابقي هاتي خط 015 وارن عليكي فأنا سكت و مردتش … وبعدها مشي و م يوم العيد مرنش عليا مستنيني اجيب خط أو ارن انا … و ناس اعرفها قالتلي قبل الخطوبه أنه بخيل جدا و الكلام دا فأنا بعد المواقف دي ف اول شهر خطوبه لينا قفلت منه و بدات اصدق أنه بخيل فعلا …
محدش يقولي ظروفه والله ظروفه مرتاحه جدا جدا جدا كمان
هو كدا بخيل ولا انا فاهمه غلط واعمل اي اسيبه ولا اتصرف ازاي انا حقيقي تعبت م التفكير