لحظة اتنين تلاتة بتحاول تستوعب الكلمة دا بجد لحق زهق منها و هو عارف انه السبب ف بعدهم و انها مجرو. حة منه ما استحملش يداوى جرحها و ف ثانية راح اتجوز حاولت تتماسك يستحيل تنهار قدامه هى مش ضعيفة و هو ما يستاهلش
“بصتله بجمود ” مبروك
” عقد حواجبه باستغراب من برودها ” انتى مش زعلانة !
” ببرود ” و ازعل ليه مش جديدة عليك تتهنى بيها بس انا عايزة اطلق
” وقف بعصبية و شدها من ايدها ” اياك اسمع الكلمة دى على لسانك فاهمة طلاق ما بطلقش و اعملى حسابك انى مسافر الفجر
” ضحكت بسخرية ” ايه رايح تقضي شهر العسل مع الغندورة
” فرح لما حس بنبرة الغيرة ف صوتها و قرر يكمل عشان تغير اكتر ” ايوا هنقضى اسبوع مع بعض انا داخل انام دلوقتي عشان الحق ارتاح قبل السفر
” سابها و مشي و هى بصتله بغل ”
ماشي إن ما وريتك ما ابقاش هاجر
قام الفجر سافر عدى اسبوع من غير ما يسمع صوتها كل ما يكلمها تكنسل ف وشه و ف الاخر قفلت التليفون رجع و دخل البيت مشتاق ليها لقى البيت فاضي لا مش فاضى هى مش فيه يعنى لا فاضى من العزال و العفش
قفل الباب باستغراب و دخل يبص ف الشقة
” هى الشقة اتسرقت و لا ايه ؟!
دخل الاوضة لقى كرسي يتيم ف اوضة النوم و هاجر قاعدة عليه
قرب منها بلهفة
هاجر انتى كويسة و الشقة جرالها ايه فين العفش
” ببرود ” بعته
” بذهول ” نعم ! بعتيه انتى اتجننتى ؟!
” حطت رجل على رجل و ببرود ” لا يا حبيبي انا عاقلة و جدا و بعدين انا عايزة اتطلق و عايزة القايمة و المؤخر و كل حقوقى
” واقف يبصلها بذهول ” يا بنت المجنونة بعتى العفش دا انا دافع فيه شقى عمرى
” بغيظ ” خلى الغندورة تجيبلك عفش غيره
” بصلها و ضحك بصوته كله ” انا اه عارف انك مجنونة بس مش للدرجادى
” بصتله بجنب عنيها و ما ردتش ”
” غمزلها ” لا بس ما كنتش اعرف انك بتغيرى عليا كدا بتموتى فيا صح
” بلامبالاه ” لا يعنى هغير عليك ليه دا انا حيالله عرفاك من صغرنا و اتجوزنا من ٣ شهور بس مش مستاهلة اغير عليك يعنى
” حاوط وشها بايده ” والله ما بحب و لا حبيت و لا هحب غيرك انتى نبض قلبى من غيرك امو. ت
” بلوم ” اه بامارة منى حب حياتك و انى كنت نزوة و السلعوة اللى انت اتجوزتها
” بحب ” يستحيل اقبل اسمى تشيله واحدة غيرك و لا قلبى غيرك يقاسمه فيه و منى دى اللى كانت نزوة مش انتى بس كنت غبى سامحينى
و الفترة اللى فاتت و تجاهلك ليا و سفرك لشهر عسلك
تانى هتقولى شهر عسل يا حبيبتي افهمى انا عملت كدا عشان اخليكى تغيرى عليا و بعدى عنك الفترة اللى فاتت كنت مزحوم غ الشغل و سفرى بردو كان شغل قولت استغله ف انى احرك غيرتك ما اعرفش انك قادرة و هتبيعى العفش و تطلبيه ف القايمة كمان
” ضحكت ” امال يعنى اقعد اعيط زى الهبلة و اسيبلك حقى و نجرى ف المحاكم
يا ساتر يا رب ع التشاؤم ماسورة تشاؤم فتحت ف وشي و بعدين عفشك ايه الشقة دى بعفشها انا اللى جايبهم اصلا
رفعت حاجبها و بتهديد
انت بتعايرنى بالعفش يا مصطفى من دلوقتي حقى و حقك دا انت كنت بتجرى ورايا حافى و تتمنى الرضا ارضي
يا ختاااى مش هخلص انهاردة .. لا يا حبيبتي ما يغلاش عليكى العفش عفشي و شقتى و كليتى و فشتى كلى ملكك
حط راسه على راسها و بيبص ف عيونها
والله بحبك
خلاص يا سيدى ما تعيطش و انا كمان بحبك
– ويَحدث أن يخلُق الله وجه بسِيط الملامح ، ويضع أمان العالم في تفاصِيله 💙!
#هاجر_عمر