اهل جوزي و العيديه
انا بكتب مشكلتي وانا حـ.زينه جدا ومش مصدقه نفسي انا عروسه لسه جديده وكنت متعوده في بيت بابا ان كل عيد سواء صغير او كبير اخذ العيديه فاول ما اتجوزت انت متخيله ان جوزي هيعمل نفس اللي بابا بيعمله في اول عيد ليا بما ان جوزي من محافظه تانيه فقال لي لازم اول عيد نسافر عند اهله ليله الوقفه عشان من عادتهم هناك ان كلهم يصلوا العيد وبعد كده يبداوا يلفوا على بيوت اخواته ويعيدوا
عليهم كلهم المهم سافرت معاه وفعلا صلينا العيد وبدا الاحتفال هناك بالعيد بانهم ياخدوا بعضهم ويعدوا على كل بيت من بيوت اخواته البنات والرجاله عشان يعيدوا عليهم وكنت انا طبعا العروسه الجديده فكنت لازم اروح معاه وفوجئت هناك ان جوزي بيطلع من جيبه فلوس جديده باستك البنك محضرها كعيديه وبيديها لكل ست موجوده في البيت سواء اخواته البنات بيدي لهم كلهم وبناتهم واولادهم ولو عندهم احفاد كمان واخواته الصبيان بيدي لكل ست وبنت وعيل ما خلاش حد
اللي عطاله العيديه من اصغر واحده لاكبر واحده وكل ما نمشي فى الشارع ويقابل جار ولا قريب وغريب بيديلو كمان قولت فى عقل بالى أنا بقى سائلة العديه الكبيرة لما نروح عند بيت مامته فبعدين بعد ما روحنا عند بيت مامته راح دخل على مامته اعطاها العيديه هي كمان فانا كنت منتظره ان هو زي ما عمل مع اخواته البنات ومراتات اخواته الرجاله انه كمان هيدين العيديه لما نروح عند بيت مامته فوجئت بيه ان هو ما عطانيش حاجه خالص ولا قال لي حتى كل سنه وانت طيبه
فانا زعلت وعيني اتملـت دمو.ع وطلعت اجري في الاوضه اللي احنا كنا مبيتين فيها اعيـط دخل عليا بيقول لي انت بتعيطي ليه دلوقتي بقول له انا زعلانه لانك عيدت على كل الموجودين وعطيتهم عيديات الا انا فكنت متخيله ان هو هيقول لي ما تزعليش وهيطلع حتى 50 جنيه من جيبه ويديها لي من ضمن الفلوس اللي كانت معاه فوجئت وصد.مت صدمه عمرررى ولقيته بيقول لي انتى بالذات ما لكيش عيديه انا بدلهم عشان همااا اخواااتي ومراتات اخواااتي وامي
يستحقوا كده لان انا مهندس وظروف الماديه احسن واحد فيهم وانا الوحيد المتعلم فيهم وانا ابديلهم العيديه دي جبر خاطر ونوع من انواع الصدقات اما انتى فانتى مراتي وعلى العلم ان هو مش مخليني محتاجه حاجه دااايما بيديني فلوس في الاوقات العاااديه وبيشتري لي كل اللي نفسي فيه لكن موضوع العيديه ده موضوع صعب جدا انا
لحد دلوقتي يا جماعه مش متخيله ان جوزي ما اعطانيش عيديه واتكسسـ.ر بخااااطري جدا وعماله اااعيط من ساعتها وهو مصمم ما يدينيش وبيقول لي دي ما لهاش علاقه بكسسـ..ر الخاطر دي فلوس انا بديها صداقات مش عارفه احكي لماما وبابا واقول لهم على اللي انا فيه ولا اسكت مع العلم ان انا كل عيد هيحصل فيا كده وهيحصل ليا كسـ..ره خاطر لان هو قال لي انا مش هديك عيديه ابداااا وده طبيعي زي ما بيقول لي اصل هي فلوس صداقات ولا هو مفروض يديني ارجوكم ساعدوني وقولوا لي رايكم ايه فى الكومنتتااات