ـ المعلم اتكلم وقال :كفايه كدا علشان نخلص اللى ورانا .
ـ قولت بعياط : انتوا مش كنتوا عايزين تسرقوا وتمشوا ليه عملتوا كل دا ليه .
ـ ما هو جوزك طلع منين مش عارف وانتى كمان واحنا قولنا ندخل نقلب اى حاجه ونطلع بسكات بس انتوا اللى خلتونا نعمل حاجات مش مخططين ليها .
ـ طب امشوا وانا مش هبلغ عنكوا ولا هقول للحكومه اى حاجه ولا اكنى شوفتوكوا .
ـ هاا يحلوه واحنا ايه يخلينا نضمن كلامك .
ـ مش عارفه .
ـ سابونى وانا قعدت على السرير اعيط على جوزى اللى مات وبعد وقت كتير افتكرت انى اخر مره كنت شايله التليفون فى المطبخ ولازم اروح اجيبه بأى طريقة….
ـ فتحت الباب وطلعت لقيتهم قاعدين واول لما شافونى قام جمال دا وقال بزعيق : رايحه فين .
ـ بتوتر : ر رايحه المطبخ علشان اشرب .
ـ بنظره شك : طب روحى بسرعه يالا .
ـ جريت من قدامه على المطبخ بصيت بعينى فى المطبخ و لقيته جريت عليه واول لما مسكته لقيتهم دخلوا المطبخ وانا بسرعه حاولت اخبيه فى الهدوم والحمد لله محدش اخد باله من حاجه …
ـ كل دا بتشربى ..؟
ـ معلش يا معلم اصلى كنت عطشانه .
ـ طب روحى الاوضه يالا .
ـ مشيت بهدوء على الاوضه قفلت الباب ورايا وكنت لسه هطلع الفون لقيت اللى فتح الباب خبيته بسرعه والتوتر بان عليا وخوفت ليكون شافنى .
ـ بشك قال : انتى كنتى بتعملى إيه ..؟
ـ بتوتر : مبعملش حاجه فى حاجه عايز تقولها .
ـ هز راسه بنفى ومشى قولت فى عقلى انى لازم اروح الحمام علشان هنا مش مضمون .
قعدت اكتر من نص ساعه تقريبا وطلعت وقولت : انا رايحه الحمام .
ـ الاتنين بصوا لبعض بشك شوفتوا فى عنيهم والمعلم قال : خمس دقايق وتكونى قدامى هنا .
ـ هزيت رأسى بهدوء ومشيت ،دخلت الحمام وقفلت الباب عليا طلعت التليفون بسرعه فتحته ورنيت على اخويا لانه اول رقم قدامى …
ـ بعد جرس رد وصوته كان نايم .
ـ الو . ـ ايوا يا رجاء عامله ايه.
ـ الحقنى يا مصطفى فى حراميه هنا فى الشقه وقـ…ـتلوا محمد الحقنى بسرعه .
ـ انا جاى حالا . ـ اوعك تيجى لوحدك هات الحكومه معاك .
ـ خبط على باب الحمام حامد وصوت بيقول : انتى هتباتى جوا ولا اى .
ـ بتوتر بس حاولت ابقى طبيعية : ااا…انا طالعه اهو وقفلت التليفون وفتحت غطاء الكومبليشن وحطيت التليفون فيها بعد ما عملته كتم وقفلتها وغسلت وشى وطلعت .
ـ لقيت المعلم نايم على الكنبه وجمال اول لما شافنى قام وجيه ناحيتى وبصلى نظره خوفتنى منه ومسك ايدى جامد وجرنى وراه على اوضه الاطفال دخلنى وقلت اكيد هيقفل عليا الباب من برا وهيسبنى بس لقيته قفل الباب وراه وانا كنت واقفه جنب السرير وقلتله : انت قفلت الباب ليه ..؟
ـ قرب عليا ولقيته زقنى على السرير بقوه وانا صوتت وقولتله انت بتعمل إيــه يا كلـ..ـب .
ـ حط ايده على بوقى علشان يكتم صوتى وهمس جنب ودنى بهششش اسكتى خالص .
ـ ولقيته بيقطع كم البيجاما روحت زقاه عنى ولان قوته اكبر منى ما اتحركش من مكانه روحت زقاه تانى بقوه اكبر راح بعد شويه روحت قايمه علشان اطلع لقيته مسكنى وزقنى على السرير تانى وضربنى بالقلم صوتت من قوه القلم و بـيتهجم عليا لقيت المعلم دخل وشاله من عليا زقه بعيد وزعق فيه : انت بتعمل اى احنا نسرق ونعمل اى حاجه بس الحاجه دى لا انت فـا ولسه هيكمل كلامه لقينا باب الشقه اتكسر بصيت بفرحه ولقيت اخويا والحكومة لقيت المعلم مسكنى وجمال طلع سلا..ح وحاول يهدد الحكومه بيا بس لقيت ضابط ضربه رصاصه فى رجله وقع على الارض وفى ثانيه ضرب رجل جمال وقع هو كمان جريت على مصطفى حضنته وانا ببكى وشاورت ليهم على مكان اللى فيه جثه جوزى ومن كتر العياط والصدمه اغمى عليا .
فوقت لقيت نفسي فى المستشفى وجنبى اهلى كلهم وامى جات حضنتنى وبعدها حضرت جنازه جوزى وحالتى النفسيه ساءت تابعت مع دكتور نفسى وشويه شويه رجعت تتحسن من تانى وبعد سنتين اتحسنت تماماً والدكتور بتاعى اتقدملى وافقت واتجوزنا وعيشنا سعداء.
“طالما أن القادم فى غيب الله فتصوره جميلاً.. ♡”
ـ تـمـت .. ♡