حكاية أغرب من الخيال بدأت يوم فرح اخويا
في نص فرح اخويا قربت من العروسه وحضنتها قربت هيا مني و همست في ودني ب الكلمتين دول
عقبالك في فستان الدم
😲
كريم اخويا شخص مستهتر جدا ومبيتحملش اي نوع من انواع المسؤوليه وده اللي شجع بابا أنه يوافق علي طلب كريم ب أنه يخطب ..
كلنا وافقنا واتمنينا أن الأمل يكون في العروسه دي انها تغيره يمكن لما يلاقي نفسه بيتحمل مسؤوليه بيت كامل هيتغير .
بس كل ده كان وهم يوم ما بابا نطق وقال إنه موافق كأنه كتب بايده شهاده تعاسه ابديا لينا ..
سمر خطيبه اخويا. بنت جميله جدا وهاديه ملامحها ناعمه جدا وصوتها واطي شعرها اسود. سواد الليل وعيونها خضرا كأن جناين الزرع كلها اتحبست فيها
بنت جميله اول ما شوفناها وافقنا بدون تردد وقرانا الفتحه في نفس اليوم اللي اتقدمنا ليها فيه ….بقلم مريهان نعيم
قرأنا الفتحه وبعدها قامت العروسه بخجل بسرعه دخلت اوضتها
مر الوقت واستاذنتهم اني ادخل الحمام
بعد خطوتين سمعت صوت همهمه خافت جاي من الاوضه اللي جنب الحمام الصوت كان ضعيف ومعاه نغمه بترن بترددات مرعبه فضولي كان اقوي مني ندهت بخوف
سمر !!
حاولت اقرب من الباب وانا موطيه راسي استحياء مني يعني ليكون حد قاعد براحته في الاوضه كنت لسا بفتح الباب
لمحت ارجل مكسيه ب كومه من الشعر الاسود الغزير القدم نفسها كان فيها صباع واحد بس لسا هرفع راسي الباب اترزع في وشي
رجعت خطوات لورا لحد ما خبطت في حد لقيت والد سمر واقف بيبصلي بنظرات فيها حيره وتوتر وسألني في حاجه يابنتي شاورت علي الباب وانا ببلع ريقي وبتنفس بصعوبه
يابنتي اهدي وفهميني في ايه ؟
مم..مم. ممكن تفتح الباب ده انا متهيالي شوفت حاجه غريبه جوه
رفع رأسه بخوف وقرب من الباب وخبط عليه خببطتين وبعدين خبطه وبعدين خبطتين. وفتح الباب كانت سمر قاعده علي السرير بتبص لينا عينيها كانت بتروح عليا وعلي باباها باستغراب
معلش ياسمر اصل فاتن اخت عريسك حست انك فيكي حاجه وجت تطمن عليكي عشان قومتي مره واحده
اتكسفت سمر ووطت وشها في الارض مع ابتسامه خفيفه وهيا بتقوله
انا بس اتكسفت اسفه شويه وهخرج ليكم
باباها قفل الباب وقالي اهدي اكيد يعني اللي شوفتيه مكانش سمر .
بصتله بسرعه وكنت لسا هساله عرفت منين اني شوفت حاجه قاطعني اخويا وهو جاي يقولي ان الوقت اتاخر ولازم نمشي .
مسكت أيده وخرجت وانا ببص علي وش والد سمر اللي كانت الابتسامه بتختفي منه تدريجيا كل ما ابعد لحد ما فتح الباب بعصبيه ودخل لسمر .
مشينا من البيت وانا كلي حيره بين اني احكي اللي حصل لحد أو اسكت عشان الجوازه متبوظش علي مجرد اوهام وخوف زياده في عقلي انا وبس
عدت الايام لحد ما وصلنا ليوم الخطوبه كانت هتبقي عائليه جدا في بيت سمر
قررت اروح لسمر البيت عشان اجهز معاهم الخطوبه قضينا يوم حلو ودخلت اساعد سمر عشان تلبس الفستان اول ما مسكت فستانها صرخت بصوت كله الم وهيا بتجري عليا لحد ما زقتني علي الأرض قومت جريت علي الباب وانا شيفاها بتجري علي الفستان مسكته وبصتلي عينيها كانت حمرا لون الدم جريت لبرا لحد ما لقيت مامتها طلبت منها تجري تشوف سمر وحكيت ليها اللي حصل جرينا علي الاوضه لقينا سمر قاعده علي السرير موطيه رأسها وبتزوم بصوت مخيف بعدت خطوتين لورا مامتها ظهر عليها التوتر وهيا بتقرب منها كانت لسا هتطبطب عليها سمر طلعت أيدها ومسكت في ايد ولدتها بعصبيه بصيت علي وش مامتها لقيتها بتتالم
بصتلي وهيا بتحاول تتمالك نفسها وقالتلي أن سمر مجهده شويه ومتوتره وطلبت مني اخرج من الاوضه مقدرتش امنع نفسي المره دي من اني افهم ايه بيحصل. بصيت عليهم من مكان المفتاح شوفت مامت سمر وهيا بتلوي دراع سمر وبتكتم صوتها بايديها سمر كانت بتزوم بعصبيه وحدفت مامتهاعلي السرير
ولسا كانت هتجري علي البلكونه مامتها قامت ومعاها حبل وقدرت تمسك سمر وتربطها في السرير المشهد كان عباره عن صراع بين ايد سمر اللي بتحاول تنتزع عيون مامتها وبين مامتها وهيا بتحاول تتفادي مخالب سمر
كنت بتفرج عليهم وانا مرعوبه كل حته في جسمي كانت بترتعش اخر مشهد شوفته قبل ما اصرخ وامشي هو والدة سمر وهيا بتخرج كتاب اسود
📖
مقطع من تحت مخده سمر كانت مسكاه بتوتر وهيا عماله تلم الورق المتساقط منه علي الأرض بخوف وهيا بتبص لبنتها فتحته وبدأت تقرأ بعض الكلمات
*ثم قال له الماعز ما انت قادر عليا يا لوسيفر سوف القي بك في الجحيم في غيابيب. هذه النيران
🔥
اقسمت عليك ب السر المحتوم والمطبوع والملفوف في هذا الكتاب أن تصمت *
بدأت سمر تزوم اكتر وهيا بتلف عينيها في كل الاوضه لحد ما لمحتني ببص عليها بدأت تصرخ وتتلوي لحد ما فكت الحبل
جريت في الصاله وانا بصرخ لحد ما خرجت برا الباب لقيت اخويا واهلي واقفين بيبصولي باستغراب
بدأت احكي ليهم كل اللي شوفته واللي حصلي مع نظرات صدمه في عنيهم وهما بيبصوا ورايا التفت بخوف شوفت
الفصل الثاني من هناااااااااااااااااااااا