مشكله
أنا حصل معايا موقف وحش اوى هونوا عليا
كنت بفرش أوضة نومى وحماتى جات وكانت جايبة هدوم خطيبى علشان ارصها فى الدولاب ف أنا بصراحة مش جايبة هدوم كتير ظروفنا مش اد كدة
وبما انى خلصت رص حاجتى فابتفتح وبتقولى سيبالو كام رف بقا وشافت الحاجات قليلة قالتلى انتى لسة مارصتيش بقيت حاجتك أنا فكرتك خلصتى
قولتلها لا يا طنط خلصت قامت قالتلى فين يابنتى هدومك وحاجتك طب لما انتى مش هتجيبى هدوم كفاية مش كنتى قولتيلى وانا اجيبلك
قولتلها ياطنط الجسم بيتغير وانا عاوزة اجدد كل فترة وجايبة على اد احتياجاتى دلوقتى قامت ماسكة الرف كله رمياه على الأرض وقالتلى دول شوية هلاهيل جيبالى كام كلوت وكام قميص وتقوليلى بحب اجدد ماسكتيتش نزلت وجابت عمة خطيبى وخالته وفضلت تفتح وتفرجهم
وتقول لما هى الدنيا كدة كنتو اجلتو الفرح شويه ولا تدخليلى من غير هدوم المشكلة مش فى كل اللى حصل دة عارفين أنا الوقت دة بالذات
افتقدت أهلى و امى اووووى والله عيطت عياط مكنتش قادرة امسك نفسى كان زمانها فى ظهرى ومسامحيتش لحد يهينى أو يزلنى بالطريقة دى
وخطيبى شاف منظرى كدة فضل يقولى فى ايه متكلمتش وأمه حاكيتله وفضل يزعق وقالها متدخليش الاوضة دى تانى نهائي ومالكيش دعوة باللى فيها الحمد لله الحمد لله الحمد لله بابا قبل ما يتوفى كان متفق معاه انى عاوزة شقة لوحدى بعيد عن العيلة و معرفتش قيمة دة غير دلوقتى