السلام عليكم
انا شوفت مشكلة هنا اكتر من مره من ناس بتشتكي انها بعد ما طلق زوجته واتجوز ندم و عاوز يرجع لها ويطلق اللي
اتجوزها وعلشان اولاده يرجعوا لحضنه بس خايف يكون هيظلم اللي اتجوزها بعد طلاق زوجته الأولى دلوقتي انا واقع
في نفس المشكلة تقريبا بس المختلف اني طلقت زوجتي الاولى علشان الثانيه هي اللي طلبت اني أطلقها وانا الحب كان
عاميني
خاصة انها مش مصرية من بلد عربي مشيت منه علشان الحرب اللي عندهم بالرغم ان زوجتي الاولى كانت
معايا من اول الطريق وساعدتني لحد ما عملت نفسي وكانت بتدبر وتحرم نفسها من كل متاع علشان توفر الفلوس ليا
واقدر اعمل مشروعي اللي كان كل املي اني افتحه وفعلا عملته ونجح نجاح كبير الحمد لله بس من بعد ما طلقتها وانا
حاسس بذنب كبير اوي من ناحيتها لأنها والله ملاك بالنسبه للي معايا دلوقتي هي واهلها مستغليني بطريقة مقدرش اوصفها لدرجة اني كاتب وصل امانه عليا بمبلغ كبير بالمصري وواللي معايا دلوقتي مستحيل توافق اني ارجعها وانا نفسي ارجعها بس مش عارف ازاي
وانا بصراحه مبقاش فارق معايا اظلم اللي معايا دلوقتي او لا لاني شوفت منها ومن اهلها كتير خلوا قلبي كره العيشه معاهم
بس ازاي اخرج منهم مش عارف ده حتى اللي معايا كله وشقايا طول حياتي ميغطيش اللي كتبينه عليا غير الشقة
والاجهزه والعفش لانهم مش بيبجيبوا حاجه ولا بيساعدوا العريس في اي طلبات قبل الجواز انا محتار اوي ومش عارف اعمل ايه يارب نجيني بمعجزة من عندك