وفجأة الشقة كلها اتملت تعابين ..
تعابين ضخمة بتخرج من كل مكان ، اتفزعت وحاولت أجري ، لكن فجأة التعابين كلها اختفت ..
قالتلي دي عينة بسيطة من اللي اقدر اعمله فيك ..
قبل ما اسيب البيت دا وامشي لازم اخد روحك معايه ، هتختار الطريقة اللي تعجبك وتنتحر بيها وبعدها روحك هتكون ملكي ، وإلا ، مش هتقدر تتخيل ايه اللي هيحصلك ..
قالت كدا ودخلت الأوضة وقفلت على نفسها ..
جرس الباب رن ، كنت قاعد مكاني كإني اتلزقت في الكرسي ، مش قادر استوعب اللي سمعته ..
مrاتي خرجت ، قالتلي ايه يا محمد ، مش سامع الجرس بيرن ، مrدتش عليها ، خرجت فتحت الباب كان كيرلس اللي جايلي حسب الاتفاق اللي بينا ..
مrاتي دخلته الريسبشن ورجعت تاني المطبخ ..
لقيته مخضوض وبيقولي
– محمد ، يالا نمشي من هنا فورا
= فيه ايه يا كريلس
– تعالى بس هوريك حاجة بس لازم تشوفها برا مينفعش هنا ..
نزلت معاه ، روحنا القهوة اللي قدام البيت ، كانت شبه فاضية بالنهار
– ها يا كريلس ، حاجة ايه اللي هتوريهالي
= بص يا محمد ، انا كنت شغال في امrيكا في الصحافة ، كنت بكتب في مجلة روحانية كدا اسمها the souls world ، مجلة الكترونية بتتنشر على النت ..
وكنت عامل تقرير صحفي عن جماعة من بتوع عبادة الشيطان اللي كلمتك عنهم دول ، فيه مجموعة انتحروا انتـhار جماعي وسط طقوس غريبة كدا عشان يوهبوا روحهم للشيطان ، والجلسة دي كلها كانت متصورة فيديو وانا يومها نشرت الفيديو مع الخبر ..
ضمن الجماعة اللي انتحروا دول اتنين مصريين ، ام وبنتها ..
شوف كدا الصورة دي يا محمد ، دي صورة البنت وأمها ، البنت دي هي اللي فتحتلي الباب لما جيت عندك البيت .. هي كمان ميتة ..
= مش ممكن ، دي مrاتي وحماتي…
“الجزء السادس من هناااااااا “ من هنا⬅️⬅️