بعد ما سمعت الكلمتين اللي قالتهم مدام رشا حسيت اني مش متزن ، بدأت أراجع كل تصرفات حماتي الغير مفهومة اللي كنت بشوفها في الكام يوم اللي فاتوا ، دي كانت حابسة نفسها في الأوضة تماما من غير اكل ولا شرب ، مrاتي كانت بتقول انها اكيد جايبة اكلها معاها ، بس انا لما دخلت الأوضة وفتشت في حاجاتها ملقيتش اي أكل ، مفيش إنسان في الدنيا يقدر يعيش المدة دي كلها من غير أكل ..
بس انا برضو مشوفتش أموات بتتكلم قبل كدا ..
بدأت أتذكر الظروف اللي اتعرفت فيها على مrاتي ..
انا مكنتش اعرفها كويس ، مكنتش اعرفها خالص ، اللي حصل اني كنت سايق في يوم عربيتي ورايح الشغل وكنت نازل متأخر فكنت مستعجل شوية ، خبطت واحدة بالعربية وخدتها وديتها المستشفى ، هي دراعها اتكسر بس محصلهاش اي حاجة اكتر من كدا ..
بعدها زورتها اكتر من مrة علشان اطمن عليها وهناك اتعرفت على مامتها كانت ست غامضة فعلا ، كلامها قليل جدا ، ونظرتها غريبة ، فيها قوة كدا مش مفهومة ، انا مكنتش برتاحلها من اول ما شوفتها ، بس حbيت بنتها واتخطبنا 6 شهور وبعد كدا اتجوzنا ، مكنتش اعرف اي حد من اهل مrاتي غير أمها بس ..
ودلوقتي انا لازم اتأكد من حكاية الجماجم دي واعرف هل فعلا اللي انا فهمته كان صح وللا انا كنت غلطان ..
وانا في الطريق اتصلت بعم حسين الغفير اللي كان بيحرس مقابر عيلة أمي وطلبت منه يجهز مفاتح المقابر لأني مش مطمن عشان فيه ناس بتسرق جماجم الاموات وبيطحنوها وبيستخدmموها في تصنيع نوع من المخدرات ..
طب دا أي كلام بس انا كنت محتاج سبب مقنع اقوله للراجل وأنا جاي أفتح مقابر عيلة أمي بعد المدة دي كلها ..
بدأت بالمدفن بتاع والدتي ، عم حسين فتحلي ونزلت القبر تحت واتفاجئت ان الكفن كان مفتوح وكل اللي جواه عامود فقري مقطوعة منه الراس ..?
ودا نفس اللي لقيته في قبر خالي وجوz خالتي ..
ال 3 جماجم مكانوش موجودين في مكانهم لإنهم ببساطة موجودين في مكان تاني .. عندي في البيت ..
روحت في اليوم دا وانا مصمم افهم اللي بيحصل ، بس قررت ما اكونش لوحدي ..
كلمت واحد صاحbي اسمه كريلس كان لسه راجع من امrيكا بقاله أسبوعين بالظبط ..
كريلس كان الوحيد من اصحابي اللي مهتم بالظواهر الغريبة اللي زي تناسخ الارواح والسحر الأسود والحكايات دي كلها وكان بيعمل أبحاث كتير في المجال ده ..
اتصلت بيه في التليفون وحكيتله القصة كلها ..
كريلس قالي ان فيه منظمة ظهرت في امrيكا من حوالي عشر سنين كل أعضاءها بيعبدوا الشيطان وبيقدmموا ليه قرابين بشرية والأمr بيوصل انهم بينتحروا والشيطان بيسكن أجسادهم علشان يمنحهم الخلود ، وبيعيشوا وسط الناس علشان يحققوا اهداف لوسيفر ، إلههم اللي بيعبدوه ..
وحكاية الجماجم اللي حماتي بتستخدmمها دي فدا طقس كان بيحصل برضو في امrيكا مع أعضاء الجمعية دي ضمن طقوس استدعاء أرواح الموتى وتسخيرها ..
قولتله بس كل دا في امrيكا مش في مصر ..
قالي مش بعيد يكون فيه ناس بتمارس النشاط دا في مصر وتكون حماتي واحدة من الناس دي ..
اتفقت مع كريلس اني هروح البيت وهو يحصلني بعد شوية كإنه جاي يزورني وهحاول اشوف طريقة تانية تخلي حماتي تخرج من اوضتها بحيث انه يقدر يشوف كل حاجة بعينه ..
روحت البيت .. مrاتي كانت مستنياني على الغدا كالعادة ، والغريبة ان حماتي كمان كانت قاعدة معاها على غير العادة ومستنياني برا اوضتها .. لما دخلت البيت حماتي طلبت من مrاتي تسيبنا شوية لوحدنا ، طبعا هي منفذتش الطلب دا بسهولة لأنها مكانتش فاهماه ، بس في النهاية دخلت جوا وسابتني مع مامتها ، وبدأت حماتي تتكلم ..
– مبقاش ينفع نخبي على بعض دلوقتي ، انت عرفت كل حاجة وعرفت انا مين بس انت اكيد متعرفش انا هنا بعمل ايه ، ولا عرفت حكاية الجماجم اللي لقيتها في اوضتي ، انا هفهمك كل حاجة ، انا لوسيفر ، حامل الشعلة المقدسة ، انا فيه ناس معايا من آلاف السنين ، وعايش جوا أجساد ناس كتير انت بتشوفهم وبتتعامل معاهم وانت متعرفش انهم أموات وانا اللي بحركهم ، انا موجود في العالم علشان احرر سكانه من الموت ، اوهبهم الخلود الأبدي ..
امك هي و 10 أشخاص تانيين من ضمنهم أخوها وجوz أختها كانوا أعضاء منظمة سرية اسمها منظمة ال 11 أخ ، المنظمة دي كانت بتحارب عبدة الشيطان في مصر وبتحرض الناس ضدنا ، وانا كنت لازم أكسب حربي في النهاية ، والجماجم انا بستخدmمها في تحضير أرواح أصحابها ، احنا دلوقتي عندنا جيش من الأرواح مجندين لخدmمة أهدافنا ..
وانا موجود هنا في العمارة لان العمارة دي اتبنت فوق قبر واحد مهم جدا مننا على مr التاريخ ، الراجل ده مـaـت من 450 سنة .. وروحه مبتحضرش غير في المكان اللي عضمه مدفون فيه ..
دلوقتي انت فهمت كل حاجة وعرفت الحقيقة ، وقدامك اختيار من اتنين ، يا تكون معايه يا تكون ضدي ، لو بقيت معايه هتعيش للأبد ، ولو بقيت ضدي هتدوق كل اصناف العذاب ، هحول حياتك لجحيم ..
وفجأة الشقة كلها ………………
يتبع الجزء الخامس من هنااااااا