جاد شاف أفراد العيلة خارجين مد ايده ومسك ايدها، ملاك بصتله بصدمة وبتحاول تسحب ايدها بتوتر لكن مع صوت ضرب النا”ر قربت منه بخوف وهي بتبص للغفر
جاد ببرود:متخافيش…
دخلوا سوا وهي ماشيه جانبه وملاحظه فرق الطول بينهم، ابتسمت بسخرية من فكرة انها مراته، كتمت ضحكتها بسرعة وهي بتبص للي موجودين
الحج المحمدي كان بيبصلهم بصرامة فيه نفس ملامح جاد الحادة، ملاك بلعت ريقها بارتباك وهي بتبص لحريم العيلة
كان واقف ادامها چنا وهي بتبص لها بصدمة وغيرة من جمالها الرقيق وجانبها أمها وفاطمة والدة جاد واخوات جاد سليم ومصطفى
الحج المحمدي بصرامة:
؛ تعالي المكتب ورايا يا جاد عايز اتكلم معاك
جاد سابها وراح وراء والده، فاطمة ابتسمت بطيبة وهي بتقرب من ملاك
:نورتي قنا يا….
:اسمي ملاك…
فاطمة بطيبة:سبحان الله اسم على مسمى نورتي يا حبيبتي، أنا والدة جاد
ملاك بطيبة:اهلا بحضرتك يا طنط…
فاطمة:لا طنط ايه انتي تقوليلي يا ماما انا معنديش بنات وهكون مبسوطة لو قولتي يا ماما…
چنا بخبث:و أنا روحت فين يا ماما مش انا بنتك برضو؟
فاطمة بحدة: لا يا حبيبتي انا مخلفتش بنات…
چنا بضيق:ازايك يا عروسة…. قوليلي بقا انتي ايه حكايتك، صحيح متعرفناش انا چنا مرات جاد
ملاك:ايه؟!
هناء بخبث:هو ايه اللي ايه هو جاد مقالكيش انه متجوز ولا ايه يا ملاك…
ملاك معرفتش ترد وهي بتبص لفاطمة
فاطمة بود:تعالي يا حبيبتي نطلع لاوريكي اوضتك..
في المكتب
جاد كان واقف أدام مكتب ابوه اللي قاعد وهو بيبصلها بغضب
:جبتها منين البت دي يا جاد بيه؟
جاد بضيق:
و هيفرق مع حضرتك في ايه وأنت فارق معك ايه غير الخلفة هتفرق بقا بنت ذوات ولا من الشارع أظن مش هيفرق كتير
ابوه بحده:اتكلم عدل يا جاد وبعدين أنت نسيت اني ابوك ولا ايه
جاد بقوة: منستش يا حج بس انا زهقت من الزن انا اتجوزت مخصوص علشان الزن دا، فاظن دلوقتي محدش يكلمني في الموضوع دا تاني واللي ربنا عايزه هيكون
المحمدي:يعني ايه؟
جاد بحدة:يعني حصل خلفه او محصلش انا مش مضطر اتجوز تاني أنت عارف اني كا”ره صنف الحريم كله
المحمدي بعتاب:
=متنساش أنت اللي اختارت في الأول ومحدش ضربك على ايدك
جاد بابتسامة
:عارف بعد اذن حضرتك اطلع اشوف عروستي….
في أوضة جاد
فاطمة كانت قاعدة مع ملاك بتتكلم معها
فاطمة باعجاب:بس والله عنده حق يقع في غرامك ويحبك دا انتي زي القمر الصراحة مكنتش متخيلة انه ممكن يتجوز تاني بس فعلا دي قسمة ونصيب…
ملاك:ليه مكنتش متخيلة انه يتجوز تاني
فاطمة بتوتر:ها؟ لا أبدا أصله كان رافض موضوع الجواز دا و…
ملاك بمقاطعة وهدوء:بيحب مراته؟
فاطمة ابتسمت بحب ومسكت ايدها
:بصي يا ملاك انا ارتحت لك وهقولك الصراحة جاد يبقى ابنى وأنا اكتر واحدة عارفه يمكن يبان معندوش قلب بس دا بسبب التجارب اللي مر بيها في حياته بس والله طيب اوي
و لو عايزاه تحافظي على جوازكم مقالكيش دخل بچنا….