جيجى : خد بسرعة السر”نجة اهى عبيها هوا وحطها فى المحلول ده بسرعة
خالد : طيب هاتى بسرعة قبل الممرضة ما تيجى ..
لسه هيحط السر”نجة لمح وشها
قعد يشبهه عليها … هى هى أكيد انا متأكد
خالد بصدمة : نووور !!
جيجى باستغراب : وطى صوتك الله يخربيتك نور مين هتفضحنا
خالد بصدمة : دى نور دى بنت خالى انا مستحيل أمو”تها
جيجى : بس دى أكبر أمل لينا ف ان احنا ند”مر عمار
خالد : لا يا جيجى مش على حساب نور كفاية اللى عملته فيها وهى صغيرة
جيجى بفضول : عملتلها ايه
خالد : مش وقته ي جيجى اما نكون لوحدنا
وبكدا فشلت خطة جيجى ف التخلص من نور
بس على مين على جيجى دى عقر”بة 😂
اتصل خالد على والدة نور
فريدة بلهفة : ايوة يا خالد لقيتها
خالد : ا أيوة يا طنط لقيتها ب بس
فريدة بقلق : بس ايه يا خالد انطق بنتى مالها
خالد : بس لاأسف عملت حادثة
فريدة بنغزة فى قلبها : يا حبيبتى يا بنتى قولى العنوان بسرعة
خالد : العنوان ……. وهاتى جوليا معاكى عشان متقعدش لوحدها .. ثم اغلق الخط
جيجى : طب اطير انا بقى عشان مينفعش حد يشوفنى بس هستناك النهاردة الساعة ١ بالليل فى الشقة اللى بنتقابل فيها اصلك وحشنى خالص باى يا بيبى هستناك وغمز”ت له
خالد : باى أما اشوف اخرتها معاكى
فى فيلا سالم والد عمار
صفاء : زى ما قولتلك يا سالم مفيش حل غير كده اول م عمار يجي تقوله علطول
سالم : طيب طيب يا صفاء بس على الله يوافق
فى غصون دقائق وصل عمار غاضب كعادته
سالم : استنى يا عمار انا عاوزك
عمار بجمود : نعم يا بابا !
سالم : انت روحت بصيت على البنت اللى انت خبطها
عمار بنفس الجمود : لأ
سالم : طب يا بيه البنت حالتها خطيرة ومش هت”خلف تانى وبسبب مين كل ده بسبب حضرتك
قولى بقى مين هيرضى بيها بعد اللى انت عملته ده
عمار بلامبالاة : طب وأنا مالى هى اللى غلطانة .. وبعدين انا هعوضها ماديا عن كل اللى حصلها
سالم بغضب : انت فاكر الفلوس بتحل كل حاجة لايا عمار فوق شوف انت عملت ايه الله اعلم حال اهلها عامل ازاى دلوقتى انت هتعمل اللى هقولك عليه وتنفذه بالحرف الواحد
عمار : اللى هو !!!؟
سالم : أنك تتجوزها
عمار بهدوء : وأنا مش موافق يا بابا
جيجى من خلفه : ولا انا كمان موافقة ي أنكل انا بحب عمار وهيتجوزنى انا
عمار متجاهلا اياها : عن إذنك يا بابا
سالم : استنى يا ولد انا بكلمك
عمار : نعم
سالم : عمار انا هخيرك ي عمار يتتجوز البنت دى ي إما والله العظيم ل هاخد أمك وهنروح مكان مفيش مخلوق هيعرف مكانا فيه ولا حتى انت
جيجى منتظرة رده خوفا ان يوافق
عمار بحيرة : طب يا بابا سيبنى أفكر انا جاى من الشغل تعبان ومش مركز