فاروق ( بزعيق ) : من غير بس
نورسين : ( اتنفضت من مكانها )
نورسين : م.. موافقه .. اتصل بي
نورسين كلمت هيثم وقالتله علي اللي فاروق عايزه بالظبط
هيثم فرح جدا وقفل الفون مع نورسين
فاروق : قالك ايه
نورسين : ( وهي بتمسح دموعها ) قال .. قال .. انه موافق وجاي كمان شويه عشان نتكلم سوا
فاروق: طيب روحي ظبطي خلقتك دي واغسلي وشك والبسي طقم كويس عشان لما ييجي مايهربش منك علي الاقل
(فاروق ساب نورسين ومشي وقفل عليها يالمفتاح من بره )
المنياوي : ( بينادي علي فاروق )
المنياوي : يافارووق.. فاااااروق عملت ايه
فاروق: عېپ عليك كل اللي انت عايزه حصل
المنياوي: يعني خلاص وافقت ان الجواز يبقي الخميس اللي جاي
فاروق : طبعا وافقت عشان خايفه علي حبيب القلب بتاعها
المنياوي: حلو اوووي
اناعايزك تعرف الكل ان نورسين بنت المنياوي بيه فرحها يوم الخميس اللي جاي علي هيثم نزل علي الفيس والانستا وخد الاكونت بتاعها ونزل عليه الكلام ده عايز الكل يعرف انت فاهم
فاروق : فاهم طبعا بس هنعمل اي مع هشام واخوه ياسين
المنياوي: نخلص من جوازه اختك الاول وبعد كده مش هسيبهم
فاروق : وليه نستني لحد ما اختي تتجوز لما ممكن نجيبهم من دلوقتي ونعلمهم الادب
المنياوي : انا قولت بعد فرح اختك يعني بعد فرح اختك انت فاهم ولا لاء
( المنياوي ساب فاروق ومشي )
فاروق : هي بقت كده ماشي انا هتصرف
فاروق نزل بوستات علي الاكونت بتاعه وعلي الانستا وعند نورسين اخته وعرف الكل ان فرحها الخميس اللي جاي
هشام وهو بيبص علي الفيس بيبص لقى ان نورسين هتتجوز هيثم
هشام كان قاعد وساند علي الحيطه وماسك الفون اول ما شاف الخبر زي ما يكون قلبه اتخلع من مكانه ومبقاش مصدق
ماما هشام: مالك يابني وشك اصفر كده ليه ؟
هشام : نورسين .. نورسين هتتجوز يا امي
ماما هشام: اكيد يابني اهلها جبروها علي كده
هشام : وانا مش هسيبها تعمل حاجه زي كده غصب عنها
ماما هشام: يعني هتعمل اي يابني احنا مش. قد الناس دي حړlم عليك تتعب قلبي انا مش ناقصه
هشام : مهما قولتي يا امي انا سيبتها مره ومش هسيبها المره دي
ماما هشام: استني يابني .. استني يابني حرlم عليك مش كده
(هشام ساب مامته وسافر علي مصر )
وراح وقف بعيد وبقي يراقب باب الفيلا كل ما يتفتح ويشوف مين اللي طالع واللي داخل والبودي جاردات في كل حته فضل واقف طول النهار يوم وعدى التاني وبرضوا نورسين ماطلعتش وهو مش عارف يدخل خالص من كتر البودي جاردات
المنياوي : اعملي حسابك انك هاتنزلي النهارده عشان تختاري فستان الفرح وتشتريه
نورسين : مش فارقه كتيير اي حاجه
المنياوي : هو اي اللي اي حاجه في عروسه ماتختارش فستان فرحها
نورسين : ( بصت لباباها كده ) غريبه مش معني الفستان اللي عايزني اختاره مع ان العريس نفسه انا مخترتهووش
المنياوي: انتي لسه صغيره ومش عارفه مصلحتك
نورسين : وطبعا انت اللي عارفهه
المنياوي: طبعا انتي عايزاني اسيبك تتجوزي ابن الخدام بتاعنا ده ماحفظش علي ثقتي لي اديته بنتي وهو خl’ڼي وعض الايد اللي اتمدتله
نورسين : ابن البواب ده من غيره كنت زمانك ميت دلوقتي مش عايش ابنك اللي من صلبك استخبي وجري وهو اللي وقف مكانك وحماك بروحه نسيت ولا افكرك يابابا