فاروق : ها عملت اي في الرقم اللي ادتهولك يامازن
مازن ( صاحب فاروق ) : عرفتلك مكانه طبعا وبيتكلم منين بالظبط وكل حاجه
فاروق: ومستني ايه بقالي يومين مديك الرقم مكلمتنيش ليه اول ما وصلت للعنوان
مازن : عشان انت مادتنيش حقي انت ماتعرفش انا دفعت كام في العنوان ده ياحبيبي عشان اجيبهولك
فاروق : انت طول عمرك كده
( فاروق طلع الفلوس من جيبه وفتح ابد مازن صحبه وحطها في ايديه )
فاروق : اتفضل اديني العنوان بقي
مازن : ماتزعلش مني ياصحبي الحق .. حق
العنوان اهوه في الارياف بلد صغيره ومحدش يعرف عنها حاجه
فاروق : انت متأكد ان العنوان اللي مكتوب في الورقه ده هو مكان الشريحه
مازن : عيب عليك انت بتكلم تلميذ ولا ايه 😏
( فاروق اخد العنوان وطلع علي الفيلا ودخل علي نورسين اوضتها)
فاروق : ليكي عندي مفاجأه يانورسين تحفه هتعجبك اوي
نورسين : امشي اطلع بره يافاروق
فاروق: من غير ما تعرفي المفاجأه اللي انا محضرهالك
نورسين : مش عايز اعرف حاجه
فاروق: براحتك انا كنت عايز اعرفك بس مش اكتر بس طالما مش عايزه تعرفي يبقي خلااااص
( وهو بيفتح الباب عشان يطلع)
فاروق: بس بصراحه ذوقك يقرف يوم ما تحبي .. تحبي واحد عايش في قريه الكلاب بين البهايم والزرايب يع بصراحه مقرفه
نورسين : ( بتوتر ) انت .. انت .. بتقول ايه
(فاروق قفل الباب ورجع يكلم نورسين وقرب منها وشدها من شعرها )
فاروق: يعني ياروح ماما .. يابنت الناس الاكابر يامحترمه عرفت اجيب عنوان حبيب القلب بتاعك وهبعت البودي جارظ يجيبه من تحت lلجاموسه اللي نايم جنبها ووقتها هاخد حقي منه هو واخوه العيل اللي ضربني انا وكان عليز يقتلني وهقتلهم قدام عنيكي وبكره تشوفي يانورسين انا مانساش حقي أبدا انتي فاهمه 😡
( فاروق رمى نورسين علي السرير ونورسين جريت علي فاروق ومسكته من رجله )
نورسين : lبوس ايدك سيبهم في حالهم يافاروق هو مكانش قصده وعهدالله ما كان قصده سيبهم وانا هعملك اللي انت عايزه
فاروق: هتعملي اللي انا عايزه يانورسين
نورسين : ورب العزه اللي انت عايزه بس lپۏس ايدك سيبهم في حالهم بلاش تأذيهم
فاروق : موافق بس بشرط
نورسين : شرط ايه
فاروق : كتب كتابك علي هيثم يبقي الخميس اللي جاي قولتي ايه
نورسين : انت بتقول ايه
فاروق : اللي سمعتيه ومافيش وقت حتي انك تفكرى تديني ردك دلوقتي حالا وإلا انتي عارفه ايه اللي هيحصل
نورسين
فاروق : يبقي انتي اللي اختارتي يابنت المنياوي
فاروق : ( بصوت عالي ۏژعېق ) عزت يا عزززززت
عزت : ايوه يافاروق بيه
فاروق: حضر العربيات والبودي جارد بسرعه هانروح مشوار صغير كده لحد القريه وراجعين علي طول
فاروق لسه هيمشي
نورسين جريت عليه
نورسين : انا موافقه .. انا موافقه يافاروق اني اتجوز هيثم
فاروق : ده اخر كلام عندك
نورسين : ( بعياط ) ايوه اخر كلام
فاروق طلع تليفونه واداه لنورسين
فاروق: خدي كلمي هيثم وقوليلوا ان انتي مستعجله اوي علي الفرح وياريت يكون الخميس اللي جاي
نورسين : ايوه بس ..