ابتسمت على كلام بابا وهو غمزلي بفرحه…للحظه فكرت في كلام مرام عمر دا اغب’ى شخص ممكن تقابله في حياتك بصراحه عندها حق
بعد ما خلصنا…وبابا والمحامي مشيوا فضلنا أنا وعمر وزين وهمس
زين ببراءه”بابا إنت هتعيش معانا هنا ولا مع طنط الشر’يره اللِ هناك”
عمر بصلي وقال بهدوء”لا طنط الشر’يره هتعيش هناك وانا هعيش معاكم إنتو الإتنين”
همس بدموع”بس أنا عوزاك معايا انت مش هتمشي صح!”
للحظه كنت هبكي….هيتقبلوا إزاي عدم وجود بباهم معاهم مش عارفه…بس اللي أعرفه إني لازم أعوضهم …منكرش إن عمر حنين عليهم بس انا مش بثق فيه زي الأول…او ممكن أقول إن الثقه من ناحيتي انعدمت
بعد فتره عمر خرج وراح لمراته وانا فضلت انا وعيالي بفكر هعمل إيه بعد كدا …هبعتله إزاي صورة مراته مع صاحبه وابعتله الصور ولا أستنى ممكن حاجه تانيه تحصل …بس قررت إن خلاص كدا .
●●●●الحمدلله
يومين عدوا وأنا مستنيه مسدج من بابا تطمني وبعد طول انتظار آخيرا اللي عيزاه تحقق.
وفيه نفس اللحظه بعت الصور لعمر من رقم تاني غير رقمي.
●●استغفر الله
أما عند عمر فكان قاعد مع مرام اللي مبطلتش طلبات بسبب حملها وفجأه سمعوا صوت برا وفي نفس اللحظه المسدجات اتبعتت
مرام بهدوء “عمر قوم إفتح شوف مين برا”
عمر وهو بيفتح المسدجات “حاضر” ووقف بصدمه وهو شايف صور مرام وهي في حضن صاحبه…
والصدمه الأكبر…لما خالد فتح الشقه وهو بيشاور للشرطه وبيقول بغضب
“أهو يا بيه قاعد في شقة بنتي هو ومراته ومشوا بنتي من شقتها ” يتبع