– أبعد بقولك هرمي نفسي
– بقولك أيه حمزة الخوري مش بيتهدد أرمي نفسك وخلصيني
- بدموع وهي بتبص لتحت وبتبص للسما وفجأة تميل جسمها وهي بتهمهم ببعض الكلمات ولسه بتقع لقت حمزة ماسك إيدها ” أنتي باين عليكي بجد مجنونة
– بدموع ” سيبني أنا عاوزة أموت
– وأنتي جاية تموتي في بيتى أنا ليه هي أي مصيبة وخلاص !
– أنت قليل الأدب
– تصدقي أنا إلا غلطان وربنا لسايبك
– عاااااا
– يالهووي دي وقعت بجد
” نزل بسرعة لقاها واقعة تحت الشباك بتعيط بألم ”
– أنا كنت بحسبك ماسكة بإيدك التانية في الشباك والله
– أبعد عني ي زبالة
– بعصبية ” أنا زبالة !!
– وحقير وسافل كمان أنت فعلا معقد رميتني من الشباك ي مجنون يابن المجانين ” وهي بتخلع النجيلة وبتزقلها عليه”
– بيحاول يكتف إيديها ” عندك حق أنا المفروض كنت أرميكي من فوق البرج شباك ايه الا يقصر في واحدة زيك
– سبني بقولك أنا غلطة عمري أني قبلت أتجوز واحد مختل زيك
– دا ع أساس أني كنت بنام تحت شباكك كل يوم علشان تحني عليا بنظرة ولا ايه فوقي أنا حمزة الخوري أي بنت تتمناني
– أنت فاكر بعُقدك دي حد كان ممكن يبصلك أنت تحمد ربنا أني قبلت وتجوزتك أنا أنضحك عليا
– احترمي نفسك أنا ماسك نفسي بالعافية
– واحد زيك لازم يكون ع سرير في المستشفي مش وسط البشر كدا
– في ايه يابني هي حصلها ايه !
– ألحقيني بالله عليكي دا كان هيموتني
– حصلك ايه بس رجلك مالها وريني كدا
– عاااا شيلي إيدك بتوجع اوي
– دي شكلها مكسورة ولازم تروحي المستشفي خدها يابني قبل ما حالتها تسوء
– انا إلا حالتي بتسوء أيه إلا بيحصلي دا حياتي بتتشقلب بسبب هزار جدي البايخ بجد مش عارف بيحصلي كدا ليه
– يابني أهدي كل حاجة تتحل بس المهم توديها المستشفي بسرعة
– لأ مش عاوزة منه حاجة دا ممكن يتعمد يعمل حادثة علشان يموتني
– شايفة قلة أدبها !
– أستحملها يابني معلشي
– يالا قومي معايا
– مش هقوم أبعد عني أنا عاوزة أموت وارتاح من شكلك
” شالها بغضب ومشي بيها ناحية العربية رماها ع الكرسي”
– عاااا مبتعرفوش تتعاملوا مع بنأدمين بتمرمطوا ولاد الناس معاكم ليه !!!
– ششش أخرسي لعند ما نوصل مش عاوز أسمع صوتك
” فضلت تعيط بدون صوت وهي ساندة رأسها ع الشباك سرحانة”
– أيه وقفت ليه
– تحبي ناخد كمان لفة ولا ايه المستشفي أهي أنزلي وخلصيني
– فتحت الباب وهي بتحط رجليها ع الأرض صرخت بقوة” ااااه
– أسندي عليا
– لا طبعا أنت بتحلم
– صدااااع أنا بتكلم معاكي ليه أصلا
” قرب شلها ودخل بيها حاولت تقاوم بس الوجع كان ليزيد فسكتت وهي بتبص لملامحه وعنيه الرمادي وحاسة بضربات قلبه العالية نزل عينه ليها فبعدت نظرها عنه بسرعة بإحراج ”
– بإبتسامة ” غريبة ثلات دقايق من غير كلام هتتحسدي
– خير ي أستاذ المدام مالها
– وقعت ع رجليها عاوزين نشوفها اتكسرت إن شاء الله ولا لسه
– نعم !
– ااا قصدي يعني عاوزين نطمن عليها
– بصلها لقاها بتبصله ” أنتي عجبك الموضوع ولا ايه أنا معرفكيش غير بقالي يوم وشيلتك أكتر ما شيلت المسؤلية
– نزلني أنا أصلا مش عاوزاك تقربلي
–
” حطها ع السرير وجه الدكتور شافها وقال أنها لازم تتجبس وبالفعل جبس رجلها”
– مبروك الجبس
– بصوت واطي” وقح
– قولتي حاجة !!
– أحم لأ مقولتش
– طب يالا علشان نروح
– نروح ع فين أنت بتحلم
– أمم وبعدين معاكي
– أنت مش مجبر تستحملني سبني في حالي وأرجع لحياتك
– دا ع أساس أن عقد الجواز دا لعبة ولا ايه !
– طلقني وخلاص
– لتكوني فاكرة أني هموت عليكي أنا فعلا هعمل كدا بس مستني جدي يظهر بس وأفهم ورطني الورطة دي ليه وبعدها هطلقك ع طول
– ولحد ما جدك ييجي أنا وضعي ايه ؟
– هتيجي ع الفيلا طبعا
– ع جثتي لو رجعتلها تاني
– ببرود ” براحتك رأيك ملوش لازمة أصلا أنا هروح أشرب فنجان قهوة برا لحد ما تكوني أرتحتي شويه علشان نخرج
” طلع وقفل الباب وراه بقوة بعدها بشويه دخلت الممرضة”
– ايه اخبارك دلوقتي جهزتي نفسك
– بدموع ترفع رأسها بإتجاها ومتردش
– في ايه بس بتعيطي ليه حاسة بأي ألم في رجلك
– مسكت وعد إيديها بتوسل” لو طلبت منك طلب ممكن تساعديني
– أهدي بس أنا تحت أمرك
– هربيني من هنا
– اييه !!
– عاوزة أخرج من هنا من غير ما حد يعرف
– بستغراب” قصدك الأستاذ الا جابك هنا من شويه
– تمسح دموعها وهي بترشف بحزن” أيوا هو
– طب تحبي أكلم حد من أهلك يجيلك
– تحرك رأسها بمعني لأ ” أنا معنديش حد هنا ساعديني أطلع بالله عليكي من غير ما يشوفني
– طيب أهدي متقلقيش جهزي نفسك بسرعة وأنا هروح أعطل الكاميرات علشان الإدارة وهرجعلك
– بفرحة ” أنا عمري ما هنسالك جميلك دا
– حببتي ولا يهمك يالا بقي غسلي وشك وأستعدي
– يالا بسرعة قبل ما حد من الأمن يلاحظ
– هو أنا ااا أنا ممكن أطلب طلب كمان
– وهي بتبص حوليها بحذر ” قولي
– أنا مش عارفة هروح فين
– نعم !!
– أنا من إسكندرية ومليش حد هنا ممكن تقوليلي أروح محطة القطر أزاي وتمن التذكرة بس
– مستحيل تتحملي كل دا ورجلك متجبسة كدا
– بدموع ” طب هعمل ايه
– بصي أنتي شكلك طيبة أنا عندي شقة بتاعة أخويا مقفولة محدش بيروحها ممكن تقعدي فيها كام يوم لعند ما تشوفي هتعملي أيه
– بجد أنتي هتعملي معايا كدا
– لا مش وقته الكلام دا لازم أرجع الشغل بسرعة العنوان أهو ودا المفتاح والفلوس دي هتوقفي بيها أي تاكسي وتروحي ع هناك تقعدي وأنا هعدي عليكي بالليل أطمن عليكي
– مش عارفه أقولك ايه والله
– مع السلامة بقي أنا كدا هترفد بااي
– سلام
– ها عملتي ايه
– بإبتسامة ” كله تمام ي بيه عملت كل إلا قولتهولي
– أوعي تكون شكت في حاجة
– أبدا دي كانت فرحانة أوي شكلها هبلة أوي وسهل ينضحك عليها
– ملامح وشه أتغيرت للغضب” في ايه ي روح أمك فوقي لنفسك هي مين دي إلا هبلة أنتي أتجننتي ولا أيه
– أحم أنا أسفة والله ماقصدش
– يالا ع شغلك ولا كأنك قابلتينى أنهاردة فاهمة
– بخوف ” ح حاضر
– لنفسه بخبث” أشوفك بالليل ي وعدي
#يتبع
#جحيم_الكتمان
#بقلمي_فاطمة_إبراهيم
#Fatma_Ibrahim