” احنا اسفين”
-متبصوش ليا بشفقه…هيفيد ب اي الاسف ده الا ربنا قدركم عليه…!
-تعالي في حضني يا بنتي انا اسف…عارف انها مش هتعمل حاجه…وان احنا غلطنا غلط كبير اوي في حقك…بس صدقيني احنا مكناش نعرف ان ده كله بيحصل…وكنا بنكلمهم بيبينو انهم حلوين وجوزك كان عامل انه كويس… عيطي عيطي متكتميش في قلبك…!
-اتكلمت بابتسامه:
“بس انا مش عاوزه اعيط هعيط لي اصلا…،
-انت بنتي وحفظاكي…انت زعلانه ومقهوره بس مش راضيه تبيني…متكتميش عيطي وخرجي الا فقلبك…حتي لو هتنفجري فينا حقك…!
-اتكلمت بانهـ،يار وانا بحضنهم:
“انا مش بعيط عشان حد…انا بعيط عشان نفسي…وكرامتي…وانوثتي الا اتجرحت…انا بس عاوزه اعيش لابني واربيه تربيه سويه…من غير اذي نفسي…عاوزه اطلعه انسان سوي نفسيا…مبسوط…متعلم…وان شاء الله هربيه وهقدر اعمل كل ده لوحدي…
=احنا جنبك…وهنعوضك…واسفين يبنتي احنا الا وصلناكي لكده…سبينا نعوضك ب الا فاضل من عمرنا…سامحينا يبنتي…احنا بس كنا عاوزينك مبسوطه…ومتطلقيش…عشانك انت كنا عاوزين مصلحتك وراحتك…
بس طلعنا غلطانين واوي كمان…وهنجيب حقك تالت ومتلت من عنيهم وهنرد كرامتك…احنا في ضهرك لو مكناش احنا سندك…مين هيكون سندك…احنا اه مش هنعيش كتير بس المهم نفرحك…
-ابتسمت ودموعي علي خدي:
” ربنا يخليكم ليا ويديمكم المهم انكم عرفتوا الصح وانكم بس من خوفكم عليا ده الا حصل وخلاص الا حصل حصل…هروح ارتاح في اوضتي شويه….لسه زي ما هيا ولا غيرتوها هاا…
=نغيرها اي بس…لسه زي ما هيا…دي بتاعتك وهتفضل بتاعه بنتنا الجميله الا نورت فيها…كنا بندخل انا وباباكي نفضل نفتكرك ونعيط…والله البيت نور بوجودك تاني….
-دخلت اوضتي ودموعي نزلت تلقائي لوحدها…رجعت بذكرياتي لزمان…لما كنت طفله مش شايله هم…كنت بحب الحياه…كنت بحب العب عريس وعروسه…لحد ما بقيت شابه…كنت جميله وملامحي جميله…وكنت معلمه في الكليه لكن سيبتها بسبب الا كان جوزي…كان غصـ،ـب عني انجبرت اتجوزه…قولت لنفسي الحب هيجي بعد الجواز لكن الا حصل كان غير المتوقع…ضـ،ـرب وذل واهانه…غير الشتيمه….ولو جيت اشتكي كان يحبسني في الاوضه ويمنع عني الفون…لما جيت اقول لمامته فكرتها هتقف في صفي لكن ردها…ابني يعمل الا عاوزه…وابني راجل غصـ،ـب عنك وجدع…وفيهاا اي لما يضربك ويشتمك كنتي الاميره ولا حاجه جتك القـ،ـرف…
كانت هيا واخته بيقوموه عليا لو كان كويس معايا…لحد ما حملت في يزن ابني…كان مهون عليا ايامي…المفروض اي اهل يفرحوا لكن اهله مفرحوش وقالولي الدلع بقي هيبدأ والمحن واي اب المفروض يفرح…لكن عدي جوزي يومها قالي…لو منزلتيهوش انت حره…شدينا يومها…مفوقتش غير وانا في المستشفي واهلي جنبي…طبعا عشان يداروا عمايلهم…قالولهم ان انا وقعت من طولي…متكلمتش فضلت ساكته…كنت هاخد ضـ،ـرب تاني وانا مش عاوزه ابني يحصله حاجه…كنت باجي علي نفسي عشان ابني يعيش وسط اهل سويين وعيله سويه…لكن لحد ما فاض بيا وطلبت الطلاق….اي يعني مطلقه…الطلاق مش عيب ولا حرام…بس مجتمعنا مبيرحمش نهائي…لكن مش هاممني…كل الا هامنني ابني وان اربيه صح ومش ناقصه حاجه…ناس كتير بتيجي علي اولادها عشان مسمي فكره مطلق او مطلقه لكنهم ناس غير متعلمين…لكن لو اولادهم م١تو كلمه ياريت او الند ـ،م مش هيفيد ب حاجه…ناس كتير مطلقه وشايله بيت ومسئوليه واحسن من المتجوزين….