ردت وفاء اللي كانت متابعة اللي بيحصل بعيون زي الصقر واخيرا اتكلمت وهي بتبص لعزيزة بسخرية:
مكنش يتعز يا حبيبتي،، بس روفيدا اتقرا فاتحتها علي ابن عمها من شوية وخلاص حددنا معاد الفرح كمان اسبوع
واكد علي كلامها عاطف اخو مهدي وهو بيقول بح*دة وهو باصص لاخوه:
ايوة خلاص احنا خطبنا البت هو كلام عيال ولا ايه يا مهدي،، ده اتفاق رجالة
كان شريف واقف مص.وم وحس ان روفيدا بتروح منه للمرة التانية وبص لمهدي وكان نفسه يكدبهم بس اتفاجأ برد مهدي لما قال بضي.ق:
خلاص فعلا روفيدا اتخطبت لابن عمها وكمان حتي لو مكنتش اتخطبت،، معدتش ينفع بعد ما الشارع كله عرف انه كان خاطب اختها
عزيزة ردت بغض.ب علي مهدي وقالتله بحد*ة:
وانت ازاي تعمل كدة من غير ما تاخد رأي البت،، افرض مش موافقة،، روفيدا مش بيعة يا مهدي،، احنا هنسألها ولو اختارت شريف يبقي عشان خاطرها نوافق
كان لسة مهدي هيرد بس اتفاجأو كلهم بصوت روفيدا اللي كانت خارجة من اوضتها وباين علي وشها اثار العياط واتكلمت بجمود:
من غير ما تاخدي رأي يا ماما،، انا مش موافقة علي شريف لانه بالنسبالي مش اكتر من خطيب اختي وانا مفيش مشاعر من ناحيتي ليه،، فانا هتجوز ايهاب ابن عمي
ابتسم ايهاب وقام وقف وهو بيقول بفرحة:
اهو الرد وصل،، وروفيدا موافقة عليا،، اعتقد كدة كل حاجة وضحت
شريف كان مص.وم وقلبه بيو*جعه لانه كان عنده امل انها توافق وتكون بتحبه زي ما بيحبها او عالاقل تديله فرصة،، كان مثبت عينه في عيون روفيدا اللي كانت بصاله بحز.ن ود.موعها مغرقة وشها ووقتها اتكلم شريف وهو لسة باصصلها:
عندك حق،، كل حاجة وضحت
هربت روفيدا من عيون شريف علي اوضتها وبقت تعي.ط بحرقة وهي بتقول:
غصب عني يا شريف،، سامحني بس مش هقدر،، ندي برضه اختي ومش هينفع يبقي فيه بينا حاجة بعد كل اللي حصل،، مش هينفع اكون معاك وانا عارفة انها كانت بتحبك