-متقلقيش، هحكيلك.
ياستي انا كنت بحب ياسين ومش لازم أقول من أمتي ده شيء حابة انفرد بيه لوحدي.
اكتشفت إن انتوا بتحبوا بعض من فترة، حكيت لـ عمي إني بحب ياسين وهو كمان بيحبني، وأصريت على إن خطوبتنا تكون بسرعة ونتجوز بسرعة، فكرته هيستغني عنك، بل بالعكس فضل يحبك.
اليوم اللي جيتلك فيه، بعد ما انتي خرجتي لـ ياسين انا دخلت أوضتك وحطيت ليكي كارت فرحنا عشان أخليكي تزعلي، بعدها خرجت وشوفت قد أي انتي بتحبيه ونظراتك ليه وكذلك هو، ماقبلتش على نفسي إني أزعلك، لما خرجنا ورجعت أروح الحمام، وقتها روحت أخدت الكارت، لانك صعبتي عليّ.
قولت طالما انتوا بتحبوا بعض فـ لية انتي مايكونش اللي كتب كتابك بكره وعلى ياسين، وتكون سوا.
-سدرة
-ياستي في أي خليني أكمل كلامي.
-قربت ومسكت إيدي: ازاي قادره.
-يمكن انا ماحبتش ياسين زي ما أنا مفكره ويمكن حبيته.. يجوز بردُو، بس انا عارفه وجع القلب ومش هقبل إنك تعيشية.
-المرادي طبطبت انا على إيدها: انتوا تستاهلوا تكونوا سوا، لو اتجوزته هبقى بأذيكم انتوا الاتنين.
يمكن انتي تعملي حاجه فنفسك، وقتها مش هسامح نفسي، حتى ياسين هيكرهني أكتر ماهو بيكرهني، مش هلاقي مكان فقلبة حتى، كلنا هنتدمر، فَالية يحصل كل العك ده وانا بإيدي أقدر احلها.
-بتعيطي ليه دلوقتي.
-عشان انتي عملتي كده وانا مش صاحبتك.
-واللهِ عبيطة، اُمال ياسين عرفك ازاي ياهبلة، مش كنتي تيجي عندي البيت.
-حصل.
-طيب اُمال في اي، امسحي دموعك دي وادخلي هاتي صنية الكيكة اللي عملتيها.
-حضنتني بقوة: ياربي انتي قمر أوي، مش هنسالك اللي عملتيه ده أبدًا أبدًا.
-حبيبي بجد.
-سدرة
-يانعم.
-سدرة
-ياخير.
-سدرة
-متخافيش مش هكون عمتو الحرباية، هكون خالتو السُكر القمر، بس إذا لزم الأمر هكون عمتو الحرباية وحماتو العجربة ها.
-ضحكنا سوا وبعدها قالت بفزع: ياخرابي صنية الكيكة التانيه.
-قولت وانا مش فاهمه قصدها: في أي.
-جريت تجاه المطبخ: الكيكة اتحرقت.
-يابنت القرعة.
روحت وراها وببص على صنية الكيكة، دي مش كيكة تؤ ده فحم.
-اي ده يا غالي.
-بصتلي وكانت شوية وهتعيط: ياربي الكيكة اتحرقت.
-ما شاء الله ست بيت شاطره.
-متعيطيش اعملي غيرها وانا هستناكي.
-بجد.
-آه يلا، وانا هرن على ياسين عشان يدوق الكيكة، غمزتلها ومشيت.
-اتكلمت بإستفزاز: حبيبة حبيبي قمر.
-غمض عيونه وقال بنرفزه: سدرة بلاش تقوليلي حبيبي دي تاني.
-لية بتدايق، طب حبيبي حبيبي ها.