نور بخجل : احم
فارس بجدية: فيه ايه
بصت عليها وعليه سابها دخلت اوضة الملابس ومعاها شنطتها
فارس طفى النور وجيه عشان ينام شغلت كشاف فونها وراحت عنده واتكلمت بصوت عالى جدا: والله ايه قلة الذوق دى وشغلت النور
قام قعد على السرير وحط ايده على وشه بعصبية: انتى عايزة ايه فى ليلتك دى
نور : انت اللى عايز منى ايه
فارس بعصبية: تاانى
نور بصتله بخوف وبلعت ريقها : والله ما انت قايم خليك قاعد نام واستريح انا مقولتش حاجه خالص بس هو يصح انت بتشتغل ايه
فارس : وانتى مالك
نور : احم ايه الاحراج دا تمام هو يصح يا استاذ مجهول الوظيفه فارس تطفى النور عليا وانا فى الاوضة
حس بشعور غريب نفضة فى قلبه اما نطقت اسمه بصلها وهو جواه مشاعر غريبه اول مرة يحسها
نور بصتله واتحرجت من بصته ليها دخلت اوضة الملابس بسرعة بخجل كبير
بعد عشر دقايق خرجت وكانت زى القمر كانت لابسه بيجامة عليها بعض رسومات الكرتون وعاملة سعرها كحكة وسايبة شوية شعر يجوا على وشها خرجت لاقته فارد جسمه على السرير ومغمض عينه
نور : احم
فتح عينه وبصلها اتفاجئ بالجمال اللى شايفه بلع ريقه وبصلها برغبة بس طرد الفكرة بسرعة من دماغه
فارس: فيه حاجه
نور بخجل: انا هنام فين
فارس : باقى السرير فاضى ممكن تنامى فيه
نور : يا شيخ قول كلام غير دا انت عايزنى انام جنبك
فارس: طب وفيها ايه يعنى
بصلته واتنهدت راحت على طرف السرير التانى ونامت فضلت تتقلب على السرير كتير حاوطها بأيده وهو بيعتلها واتكلم بعصبية وهو بيبص لعيونها: ما تتهدى بقى