هشام كان واقف وسامع حوارهم… وفطسان ضحك وحس فعلا ان اختياره لنورا مكنش غلط ابدا
نورا/وانت يا حماتي… ترضي حد من بناتك يلبس كده وهو الجو ساقعة… تؤتؤ يلا يا ابتسام روحي البسي…وبصراحة..انت عارفاني بقول الحق الفستان مش حلو خالص هو انت مكنش معاكي فلوس ساعت ما كنتي بتشتري الفستان
ابتسام بصتلها بعدم فهم وفريدة كذلك وقالت/ليه يا نورا هانم معهاش فلوس ليه لا معاها وتجيب احسن منك
نورا/يبقى بخيلة على نفسك يا ابتسام… حبيبتي انت دخلتي نقيتي ارخص قطعة في المحل… ولما لبستيها بان الرخص اوي…
فريدة اتعصبت جامد وابتسام عينيها دمعت ودخلت اوضتها تعيط وفريدة بصت لنورا بغضب/دا انت فظيعة يخربيتك ربنا يسترها على ابني انه مستحملك
دخلت اوضة ابتسام وهشام طلع م الاوضة فطسان على نفسه ضحك
نورا/بتضحك….. هعرفك تضحك ازاي
هشام/وربي لسه شايفها.. يمكن انت شوفتيها قبلي كمان
نورا/انا عارفة دماغ حماتي اي ومش اول مره تخليك تحتڪ بابتسام غصب وتخليني اغير منها… يلا عشان اتأخرنا علمستشفى
وهما خارجين م الشقة هشام قرب منها وهمس/على فكرة انا بحبك
نورا ابتسمت وعلت صوتها/وانا كمان بحبك اوي يا حبيبي… سلام يا حماتي سلام يا ابتسام احنا نازلين
هشام/يا كيادة… امشي قدامي
نورا مشيت وهي بتضحك ونزلوا راحوا شغلهم
عم منعم بقلق/ياريتني ما سمعت كلامك يا سعاد… كان لازم تروح الامتحان الامتحان ولا حياتها
سعاد/دي ثانوية يا منعم.. عاوز البت تعيد السنه وبعدين هو عماد هيعرف مدرستها منين يعني… اهدى انت بس والبنت هترجع بخير
عماد في العربية مع منى الي بتعيط/بالله عليك سيبني.. والله ما هقول حاجه تانيه عنك… اهلي هيقلقوا عليا اوي… هما ملهمش غيري.. بالله عليك سيبني
عماد /ششش بقا اسكتي.. اي مبتفصليش… انا دماغي وجعاني واصلا مصا ب فيها
ودى منى لمكان مصنع مهجور وفيه كراتين كتير/المكان دا مليان تراب وانا عندي حساسيه
عماد/بس يابت… اتنيلي اقعدي هنا مسمعش حسك…
منى/طب انت عاوز مني اي….