فرح شدت على رقبت يامن بضوافرها جامد وهي خايفة/مش عاوزه ارجعله مش عاوزة اشوفه
يامن حس بألم بس مهتمش وفضل يهديها/والله ما هترجعيله… ومش هتشوفيه… اهدي… هو مش هنا.. انا معاكي
فرح بدأت تهدا وبعدت عن يامن
يامن/ليه يا فرح؟… مش خايفة من ربنا اما تمو تي بالطريقة دي
فرح /كان هيخلص عليا… كان هياخد اعز ما املك… وهو جوازي منه با طل الي المحامي قاله دا انا مش مصدقاه
يامن/ولا انا مصدقه…. وهتتطلقي منه غصب عنه هجيبهولك لحد عندك قدامك وخدي حقك منه… انت مش بتثقي في رحمة ربنا
فرح عضت شفايفها وبصت لفوق بتحاول متعيطش تاني /يامن…. يكفي ان ابويا مهونتش عليه دي اما شوفتها مقدرتش استحمل وبعد ما رجعوني ليه اكتشفت ان ربنا مش رحيم بيا
يامن /لا طبعا ازاي كدا…. ربنا لو مش رحيم بيكي كان خلاه يخلص عليكي ليلة الد خله وربنا لو مش رحيم بيكي كان خلاه ياخد الي هو عايزه بأي طريقة وميضطرش انه يتجوزك ربنا لو مش رحيم بيكي كان مو تك ساعت ما انت حرتي ومو تي كافره ولا كسبتي دنيا ولا اخره ورجعك للحياة تاني عشان تتوبي وبعد كل دا تقوليلي ربنا مش رحيم بيا….
فرح حست بالذنب وبصت للأرض ورجعت بصت ليامن وابتسمتله~ربنا رحيم بيا انه جعلك في طريقي مين يعلم كان جرالي اي لو موصلتش وانقذتني… شكرا يا يامن
يامن ابتسم/العفو على اي دا واجبي
فرح اتضايقت من كلمت واجبي… مش عارفة ليه كان نفسها تسمع غير كده… طب كان نفسهاتسمع اي؟ ما دا واجبه فعلا!هو ظابط وواجبه ان يدافع عن واحدة مظلومه زيها!طب ليه متضايقة دلوقتي ولا انت مستنياه يقولك اي؟
نورا بصت لهشام الي مش فاهم حاجه وعينيها هتطق شرار وقالت وهي بتكز على سنانها /البس يا حبيبي هدومك عشان منتأخرش علمستشفى
ابتسام وفريدة استعجبوا انها مزعقتش ولا عملت حاجه
هشام ابتسملها/دقيقة.. بس دقيقة وهطلعلك
نورا قفلت الباب عليه وراحت لحماتها وابتسمت/ازيك يا حماتي عامله اي.. ليكي واحشه…
وبصت لابتسام /ازيك يا ابتسام…. هو انكل محمود باباكي عارف انك طالعة لبيت خالتك وهو ابنها المتجوز عندها ولابسه الفستان دا قدامه
ابتسام بصت للأرض واتكسفت اوي
نورا ضحكت/اكيد هيزعل منك اوي… خايفة عليكي يا حبيبتي والله اقولك نصيحة من اختك…. درجة الحرارة
17 البسي هدومك عشان متاخديش برد…