يامن/والله ما هسيبها
سامح شاور العساكر ومسكوه وعماد اخد فرح من ايدها يمشيها وفرح مشبته بايد يامن مش راديه تسيبها ولا هو راضي يسيبها وعماد بيشد من جهة والعساكر بيشدوا من جهة لحد ما قدروا يفكوا ايدهم عن بعض وعماد طلع على عربيته وركب فرح ورا وعاصي جنبه
عاصي صعبان عليه حالة بنته اوي بس مش مبين دا وفرح بتبكي طول الطريق
يامن بزعيق/سيبوني
سامح/في اي يا يامن…. مالك…
يامن/انت هتسيبها ليه
سامح بزعيق/دي مراته
يامن/هي مش عايزاه طلقوها منه لانه بيإ ذيها مش ترجعوها ليه تاني هو دا القانون
سامح~احنا عملنا الي مذكور في القانون ومخالفناش حاجه.. انت مش قابل بدا دي حاجه ترجعلك… غير كدا ملكش حق انك تبعده عن مراته وتضر به وتاخدها احمد ربنا انه اتنازل عن المحضر انت عاوز منها اي تاني… دي مجرد بنت لسه عارفها امبارح عاوز منها اي بقا الجريمة الي دبستك فيها اتحلت وحصل تنازل من جوزها واخد مراته وروح انت اي مشكلتك
يامن/انا كنت متوقع انك هتجيب حقها
سامح/فين حقها دا… هي الي رفضت تدي جوزها حقوقه… انت حاسبها ازاي
يامن مش عارف يفكر حس ان الطرق كلها اتسدت فضل ساكت
سامح /عساكر سيبوه بقلم مريم الشهاوي… روح يا يامن… روح ريح واعتبر النهاردة ليك اجازة هدي اعصابك مفيش شعل ليك النهاردة وانت في الحاله دي
يامن بص للمحامي/منك لله حسبي الله ونعم الوكيل فيك انت محامي دفاع… دافعينلك كام هااا… اكيد دافعينله… مهو مفيش محامي بيقعد بارد كدا قصاد الي فرح كانت بتحكيه دا حتى اللواااء سامح باشا اتأثر وانت كنت قاعد كإنك سمعت الحدوته دي قبل كدا
المحامي مشي من قدامه بسكوت
سامح/امشي يا يامن امشييي
يامن طلع برا القسم وهو مخنوق حاسس ان الدنيا اديقت اوي بيه افتكر استنجاد فرح بيه وانه معرفش بساعدها ساعتها ضر ب ايده على كبوت العربيه وهو متنرفز وركب عربيته ومشي
هشام رن عليه
يامن/ايوا يا هشام
هشام/صباح الخير
يامن/صباح الزفت
هشام/خير في أي